ತನ್ನ ವಿಡಿಯೋ ಮಾಡ್ತಿದ್ದ ಅಭಿಮಾನಿ ಫೋನ್ ಕಿತ್ತುಕೊಂಡ ನಟ

ತನ್ನ ಅಭಿಮಾನಿಗಳೊಂದಿಗೆ ವಿಶಿಷ್ಟವಾದ ಶೈಲಿಯಲ್ಲಿ ಸಂವಹನ ನಡೆಸಿದ ಬಾಲಿವುಡ್ ನಟ ಜಾನ್ ಅಬ್ರಹಾಂರ ವಿಡಿಯೋವೊಂದು ಆನ್ಲೈನ್‌ನಲ್ಲಿ ಕಾಣಿಸಿಕೊಂಡಿದೆ.

ಬೈಕ್‌ನಲ್ಲಿ ಕುಳಿತ ಜಾನ್ ಅಭಿಮಾನಿಗಳಿಬ್ಬರು ಆತ ನಡೆದುಕೊಂಡು ಬರುತ್ತಿರುವ ವಿಡಿಯೋ ಸೆರೆಹಿಡಿಯುತ್ತಿದ್ದಾರೆ. ಇದನ್ನು ಕಂಡ ಜಾನ್ ಅಬ್ರಹಾಂ ಅವರ ಫೋನ್ ಕಸಿದುಕೊಂಡು, “ಹಾಯ್ ಹೇಗಿದ್ದೀರಿ ? ನೀವು ಓಕೆನಾ ? ಅಲ್ಲಿರುವುದು ನನ್ನ ಸ್ನೇಹಿತ,” ಎಂದು ಹೇಳಿ ಫೋನ್‌ ಅನ್ನು ಅವರಿಗೆ ಮರಳಿ ನೀಡಿದ್ದಾರೆ.

ಜಾನ್‌ರ ಈ ನಡತೆ ಅಭಿಮಾನಿಗಳಿಗೆ ಇಷ್ಟವಾಗಿದೆ. “ಅವರೆಷ್ಟು ಸರಳ,” ಎಂದು ಹೇಳುತ್ತಾ ನೆಟ್ಟಿಗರೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ತಮ್ಮ ಅಭಿನಯದ ಸತ್ಯಮೇವ ಜಯತೇ 2 ಚಿತ್ರದ ಬಿಡುಗಡೆಯನ್ನು ಜಾನ್ ಎದುರು ನೋಡುತ್ತಿದ್ದಾರೆ. 2018ರಲ್ಲಿ ಈ ಚಿತ್ರದ ಮೊದಲ ಭಾಗ ಬಿಡುಗಡೆಯಾಗಿತ್ತು. ಈ ಆಕ್ಷನ್ ಥ್ರಿಲ್ಲರ್‌ ಚಿತ್ರದಲ್ಲಿ ತ್ರಿವಳಿ ಪಾತ್ರದಲ್ಲಿ ಜಾನ್ ಅಭಿನಯಿಸಿದ್ದಾರೆ.