ಹೋಟೆಲ್ ನಲ್ಲಿ ಕೇಳಿ ಬಂದ ವಿಚಿತ್ರ ಹೆಜ್ಜೆ ಸಪ್ಪಳದಿಂದ ಭೀತಿಗೊಂಡ ಅತಿಥಿಗಳು….!

ಸೋಮರ್‌ಸೆಟ್: ಹೋಟೆಲ್ ಗಳಲ್ಲಿ ಹಲವಾರು ರೀತಿಯ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತದೆ. ಈ ವೇಳೆ ಈವೆಂಟ್ ನಲ್ಲಿ ಪಾಲ್ಗೊಂಡ ಅತಿಥಿಗಳು ಎಂಜಾಯ್ ಮಾಡುತ್ತಾರೆ. ಆದರೆ, ಒಂದು ವೇಳೆ ಇಲ್ಲಿ ಏನಾದರೂ ಅಹಿತಕರ ಘಟನೆ ಸಂಭವಿಸಿದ್ರೆ ಖಂಡಿತಾ ಭಯವಾಗದೆ ಇರಲಾರದು. ಇಲ್ಲೊಂದು ಹೋಟೆಲ್ ನಲ್ಲಿ ಕೂಡ ವಿಚಿತ್ರ ಘಟನೆ ಸಂಭವಿಸಿದೆ.

ಸೌತ್ ವೆಸ್ಟ್ ಇಂಗ್ಲೆಂಡ್‌ನ ಸೋಮರ್‌ಸೆಟ್‌ನಲ್ಲಿರುವ ಇಲ್ಮಿನ್‌ಸ್ಟರ್‌ನಲ್ಲಿರುವ ಶ್ರಬ್ಬರಿ ಹೋಟೆಲ್ ನಲ್ಲಿ ಕಾರ್ಯಕ್ರಮವೊಂದನ್ನು ಆಯೋಜಿಸಲಾಗಿತ್ತು. ಈ ವೇಳೆ ಅತಿಥಿಗಳು ಹೆಜ್ಜೆಗುರುತುಗಳು, ಯಾರೋ ಬಂದು ಕೂದಲನ್ನು ಎಳೆದಿರುವ ಮುಂತಾದ ಘಟನೆಗಳನ್ನು ಅನುಭವಿಸಿದ್ದಾರೆ.

ಅಷ್ಟೇ ಅಲ್ಲದೆ ಯಾರೂ ಇರದ ಕೋಣೆಯಿಂದ ಫೋನ್ ರಿಂಗಣಿಸುವ ಶಬ್ಧಗಳು ಕೇಳಿ ಬಂದಿವೆ. ಅಲ್ಲದೆ ಕಟ್ಟಡದಿಂದ ಶಿಳ್ಳೆ ಹೊಡೆಯುವ ಶಬ್ಧ ಕೂಡ ಕೇಳಿ ಬಂದಿದೆ. ವಿಚಿತ್ರ ಶಬ್ಧಗಳಿಂದ ಭೀತಿಗೊಂಡ ಅತಿಥಿಗಳು ಈ ಬಗ್ಗೆ ದೂರು ನೀಡಿದ್ದಾರೆ.

ಈ ಬಗ್ಗೆ ಹೋಟೆಲ್ ಮ್ಯಾನೇಜರ್ ಬಳಿ ಕೇಳಿದಾಗ ಅವರು ದೆವ್ವದ ಕಥೆ ಹೇಳಿದ್ದಾರೆ. ಈ ಮೊದಲಿನಿಂದಲೇ ಊಟದ ಕೋಣೆಯಲ್ಲಿ ಕೆಲವರು ವಿಚಿತ್ರ ದೃಶ್ಯಗಳು ಹಾಗೂ ಕರ್ಕಶ ಧ್ವನಿಗಳು ಹಾಗೂ ಅಡುಗೆಮನೆ ಮತ್ತು ನೆಲಮಾಳಿಗೆಯಲ್ಲಿ ಸ್ಪರ್ಶಿಸಿದ ಅನುಭವಗಳು ಕಂಡು ಬಂದಿರುವುದಾಗಿ ಹೇಳಿದ್ದಾರೆ. ಕೊಠಡಿಗಳಿಂದ ಅನಿರೀಕ್ಷಿತ ಫೋನ್ ಕರೆಗಳು ಮತ್ತು ಈ ಹಿಂದಿನ ಹೋಟೆಲ್ ಮಾಲೀಕರನ್ನು ನೋಡಿದ ವರದಿಗಳಿವೆ.

ಹೋಟೆಲ್‌ನ ಪ್ರದೇಶಗಳನ್ನು ತನಿಖೆ ಮಾಡಲು ತನಿಖಾಧಿಕಾರಿಗಳ ತಂಡವನ್ನು ರಚಿಸಲಾಗಿದ್ದು, ಕಾರಣ ಏನು ಎಂಬುದನ್ನು ಪತ್ತೆ ಹಚ್ಚಲು ತನಿಖೆ ನಡೆಸುತ್ತಿದ್ದಾರೆ.