‘ಮಣಿಕೆ ಮಗೆ ಹಿತೆ’ಯ ಅರೇಬಿಕ್ ಆವೃತ್ತಿಗೆ ಮನಸೋತ ಜನ

ಶ್ರೀಲಂಕಾದ ಗಾಯಕಿ ಯೋಹಾನಿ ದಿಲೋಕಾ ಡಿ ಸಿಲ್ವಾ ಅವರು ಹಾಡಿದ ಮಣಿಕೆ ಮಗೆ ಹಿತೆ ಹಾಡು ಬಿಡುಗಡೆಯಾಗಿ ಕೆಲವು ತಿಂಗಳುಗಳು ಕಳೆದ್ರೂ, ಇನ್ನೂ ಕೂಡ ಈ ಹಾಡಿನ ಕ್ರೇಜ್ ಮಾತ್ರ ಕಡಿಮೆಯಾಗಿಲ್ಲ. ವಿಶ್ವದಾದ್ಯಂತ ಈ ಹಾಡಿಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.

ಹಲವಾರು ಸೆಲೆಬ್ರಿಟಿಗಳು ಮತ್ತು ನೆಟ್ಟಿಗರು ಈ ಹಾಡಿಗೆ ತಮ್ಮದೇ ಶೈಲಿಯಲ್ಲಿ ಡ್ಯಾನ್ಸ್ ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ. ಅಲ್ಲದೆ ವಿವಿಧ ಭಾಷೆಯಲ್ಲಿ ಕೂಡ ಈ ಹಾಡನ್ನು ಹಾಡಲಾಗಿದೆ. ಇದನ್ನು ಇಂಗ್ಲಿಷ್, ಹಿಂದಿ, ತಮಿಳು ಮತ್ತು ಬಾಂಗ್ಲಾ ಮುಂತಾದ ಇತರ ಭಾಷೆಗಳಲ್ಲಿ ಕೂಡ ಹಾಡಲಾಗಿದೆ.

ಇದೀಗ ಯೂಟ್ಯೂಬ್ ನಲ್ಲಿ ಅರೇಬಿಕ್ ಆವೃತ್ತಿಯ ಹಾಡು ಬಿಡುಗಡೆಯಾಗಿದ್ದು, ಅಂತರ್ಜಾಲದಲ್ಲಿ ಭಾರಿ ವೈರಲ್ ಆಗುತ್ತಿದೆ. 1 ನಿಮಿಷ 30 ಸೆಕೆಂಡುಗಳ ವಿಡಿಯೋವನ್ನು ಮಾರ್ವಾ ಖಲೀಲ್ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದ್ದು, ನೆಟ್ಟಿಗರನ್ನು ಮಂತ್ರಮುಗ್ಧಗೊಳಿಸಿದೆ.

ಐದು ದಿನಗಳ ಹಿಂದೆ ಹಂಚಿಕೊಳ್ಳಲಾದ ವಿಡಿಯೋ ಇದುವರೆಗೆ 13,485 ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಜೊತೆಗೆ ಅದ್ಭುತವಾಗಿ ಹಾಡು ಹೇಳಿದ ಕಲಾವಿದರನ್ನು ನೆಟ್ಟಿಗರು ಶ್ಲಾಘಿಸಿದ್ದಾರೆ.

https://youtu.be/yR2I00E7hUc