ಆರ್ಯ-2 ಫಸ್ಟ್ ಲುಕ್ ಔಟ್: ಉಗ್ರವಾಗಿ ಕಾಣಿಸಿಕೊಂಡ ನಟಿ ಸುಶ್ಮಿತಾ ಸೇನ್……!

ಬಾಲಿವುಡ್ ನಟಿ ಸುಶ್ಮಿತಾ ಸೇನ್‌ ಮತ್ತೆ ಹಿಂತಿರುಗಿದ್ದಾರೆ. ತಮ್ಮ ಅಭಿಮಾನಿಗಳಿಗೆ ಅವರು ಸಿಹಿ ಸುದ್ದಿ ನೀಡಿದ್ದಾರೆ. ಹೌದು, ಸುಶ್ಮಿತಾ ಸೇನ್ ಅಭಿನಯದ ಬಹು ನಿರೀಕ್ಷಿತ ವೆಬ್-ಸರಣಿ ಆರ್ಯ 2 ರ ಮೊದಲ ನೋಟವನ್ನು ಅವರು ಹಂಚಿಕೊಂಡಿದ್ದಾರೆ.

ಟೀಸರ್‌ನಲ್ಲಿ, ಸುಶ್ಮಿತಾ ಸೇನ್ ಬಿಳಿ ಸೀರೆಯನ್ನು ಧರಿಸಿ, ಮುಖಕ್ಕೆ ಕೆಂಪು ಬಣ್ಣ ಮೆತ್ತಿಕೊಂಡಂತಿದ್ದು ಅವರು ಕ್ಯಾಮರಾದತ್ತ ಉಗ್ರವಾಗಿ ನಡೆಯುತ್ತಾ ಬರುವುದನ್ನು ಕಾಣಬಹುದು. ವಿಡಿಯೋದ ಉದ್ದಕ್ಕೂ ಮೌನವಾಗಿರುತ್ತಾರೆ. ತನ್ನ ಕಣ್ಣುಗಳೇ ಎಲ್ಲವನ್ನೂ ಹೇಳುತ್ತಿವೆ ಎಂಬಂತಹ ಸೂಚನೆಯನ್ನು ಮಾತ್ರ ನೀಡುವ ವಿಡಿಯೋ ಟೀಸರ್ ಅನ್ನು ಅವರು ಹಂಚಿಕೊಂಡಿದ್ದಾರೆ. ಅಭಿಮಾನಿಗಳಿಗೆ ವೆಬ್ ಸರಣಿ ಬಗ್ಗೆ ಭಾರಿ ಕುತೂಹಲ ಮೂಡಿದೆ.

ಸುಶ್ಮಿತಾ ಸೇನ್ ತಮ್ಮ ಇನ್‌ಸ್ಟಾಗ್ರಾಮ್ ಪ್ರೊಫೈಲ್‌ನಲ್ಲಿ ಆರ್ಯ-2 ರ ಫಸ್ಟ್ ಲುಕ್ ಅನ್ನು ಹಂಚಿಕೊಂಡಿದ್ದಾರೆ. ಆರ್ಯ ಚಿತ್ರದಲ್ಲಿ, ಸುಶ್ಮಿತಾ ಸೇನ್ ಚಂದ್ರಚೂರ್ ಸಿಂಗ್, ಸಿಕಂದರ್ ಖೇರ್, ವಿಕಾಸ್ ಕುಮಾರ್, ಜಯಂತ್ ಕೃಪಲಾನಿ ಮುಂತಾದವರು ನಟಿಸಿದ್ದಾರೆ. ಐದು ವರ್ಷಗಳ ನಂತರ ಸುಶ್ಮಿತಾ ಸೇನ್ ಅವರ ಪುನರಾಗಮನ ಅಭಿಮಾನಿಗಳಿಗೆ ಹರ್ಷ ತಂದಿದೆ.

https://www.instagram.com/p/CWKjdk7jSBE/?utm_source=ig_embed&ig_rid=2c4741f9-450d-467a-8d5f-dbcc2b9e04cd