ಟ್ರಾಫಿಕ್ ಕ್ಯಾಮರಾ ದಿಟ್ಟಿಸಿದ ಗಿಳಿ: ಕ್ಯೂಟ್ ವಿಡಿಯೋ ವೈರಲ್

ಸಾಮಾಜಿಕ ಮಾಧ್ಯಮದಲ್ಲಿ ಸುಂದರವಾದ ವಿಡಿಯೋವೊಂದು ವೈರಲ್ ಆಗುತ್ತಿದೆ. ಅಲ್ಲಿ ಹಸಿರು ಗಿಳಿಯು ಟ್ರಾಫಿಕ್ ಕ್ಯಾಮರಾವನ್ನು ದಿಟ್ಟಿಸುತ್ತಿರುವುದರ ಕ್ಯೂಟ್ ವಿಡಿಯೋ ವೈರಲ್ ಆಗಿದೆ.

ಬ್ರೆಜಿಲ್‌ ಬೀದಿಯ ಟ್ರಾಫಿಕ್‌ನ ವಿಶಾಲವಾದ ನೋಟಕ್ಕಾಗಿ ಎತ್ತರದಲ್ಲಿ ಇರಿಸಲಾದ ಕ್ಯಾಮರಾದಲ್ಲಿ ಗಿಳಿಯ ದೃಶ್ಯ ಸೆರೆಹಿಡಿಯಲ್ಪಟ್ಟಿದೆ. 13 ಸೆಕೆಂಡ್‌ಗಳ ವಿಡಿಯೋದಲ್ಲಿ ಗಿಳಿಯೊಂದು ತಲೆಕೆಳಗಾಗಿ ಕ್ಯಾಮರಾದತ್ತ ಇಣುಕಿ ನೋಡಿದೆ. ಒಂದು ಕ್ಷಣ ನೀವು ಟ್ರಾಫಿಕ್ ಅನ್ನು ನೋಡುತ್ತಿದ್ದರೆ, ಮುಂದಿನ ಕ್ಷಣದಲ್ಲಿ ಗಿಳಿಯು ಕ್ಯಾಮರಾವನ್ನು ತಲೆಕೆಳಗಾಗಿ ವೀಕ್ಷಿಸಿದೆ.

ಮನೆಯಲ್ಲೇ ಕುಳಿತು ಸ್ಮಾರ್ಟ್ಫೋನ್ ಮೂಲಕ ಗಳಿಸಿ ಸಾವಿರಾರು ರೂ.

ಗಿಳಿಯ ಮುಖವು, ಅದರ ದೊಡ್ಡ ಕಣ್ಣುಗಳೊಂದಿಗೆ ಕ್ಯಾಮರಾದೊಳಗೆ ಏನಿದೆ ಎಂದು ಕಂಡುಹಿಡಿಯಲು ಪ್ರಯತ್ನಿಸುತ್ತಿರುವುದು ಬಹಳ ಕುತೂಹಲಕಾರಿಯಾಗಿದೆ. ಒಮ್ಮೆ ಹಿಂದಕ್ಕೆ ಹೋಗುವ ಗಿಳಿ ಮತ್ತೆ ಕ್ಯಾಮರಾದ ಲೆನ್ಸ್‌ನ ಮುಂಭಾಗದಲ್ಲಿ ಕಾಣಿಸಿಕೊಳ್ಳುತ್ತದೆ. ಕಾಸ್ಸಿ ಎಂಬ ಬಳಕೆದಾರರು ಈ ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನು 1,300 ಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ.

https://www.youtube.com/watch?v=i37_554QEEs