ಸಂಜೆ ಚಹದ ಜೊತೆ ಬೆಸ್ಟ್​ ಕಾಂಬಿನೇಷನ್​ ಈ ಗರಿಗರಿಯಾದ ಈರುಳ್ಳಿ ಪಕೋಡಾ..!

ಬೇಕಾಗುವ ಸಾಮಗ್ರಿಗಳು : ಈರುಳ್ಳಿ – 4, ಕೊತ್ತಂಬರಿ ಸೊಪ್ಪು – 1/2 ಕಪ್, ಹಸಿಮೆಣಸಿನಕಾಯಿ – 4, ಕರಿಬೇವು – 1 ಎಸಳು, ಕಡ್ಲೆ ಹಿಟ್ಟು – 1-2 ಕಪ್​, ಎಣ್ಣೆ ಕರಿಯಲು, ಉಪ್ಪು ರುಚಿಗೆ ತಕ್ಕಷ್ಟು.

ಮಾಡುವ ವಿಧಾನ : ಒಂದು ಪಾತ್ರೆ ತೆಗೆದುಕೊಳ್ಳಿ, ಇದಕ್ಕೆ ಕಡ್ಲೆ ಹಿಟ್ಟು, ಕೊತ್ತಂಬರಿ ಸೊಪ್ಪು, ಹಸಿಮೆಣಸಿನಕಾಯಿ, ಕರಿಬೇವು, ಉಪ್ಪು ಹಾಕಿ ಬಳಿಕ ಅಳತೆಗೆ ತಕ್ಕಷ್ಟು ನೀರನ್ನು ಹಾಕಿ ಕಲಿಸಿಕೊಳ್ಳಿ. ಈ ಮಿಶ್ರಣಕ್ಕೆ ಉದ್ದವಾಗಿ ಹೆಚ್ಚಿಕೊಂಡ ಈರುಳ್ಳಿಯನ್ನು ಹಾಕಿ ಇನ್ನೊಮ್ಮೆ ಕಲಿಸಿ.

ಈಗ ಇನ್ನೊಂದು ಬಾಣಲೆಯಲ್ಲಿ ಎಣ್ಣೆಯನ್ನು ತೆಗೆದುಕೊಂಡು ಕಾಯಲು ಇಡಿ. ಎಣ್ಣೆ ಕಾದ ಬಳಿಕ ಮಧ್ಯಮ ಉರಿಯಲ್ಲಿ ಪಕೋಡಾವನ್ನು ಕರಿಯಿರಿ.

ಒಂದು ತಟ್ಟೆಯ ಮೇಲೆ ಟಿಶ್ಯೂ ಪೇಪರ್​ ಇಟ್ಟು ಇದರ ಮೇಲೆ ಪಕೋಡಾವನ್ನು ಇರಿಸಿ, ಅದು ಎಣ್ಣೆಯನ್ನು ಹೀರಿಕೊಂಡ ಬಳಿಕ ಈ ಪಕೋಡಾವನ್ನು ಸಂಜೆಯ ಚಹದ ಜೊತೆ ಬಿಸಿಬಿಸಿಯಾಗಿ ಸರ್ವ್​ ಮಾಡಿ.