ಜೀವಕ್ಕೆ ಸಂಚಕಾರ ತಂದ ಮದ್ಯಪಾನ: ನಕಲಿ ಮದ್ಯ ಸೇವಿಸಿದ 32 ಮಂದಿ ದಾರುಣ ಸಾವು

ಬರೋಬ್ಬರಿ 64 ಮಂದಿಗೆ ಮದ್ಯಪಾನವು ವಿಷಾಹಾರವಾಗಿ ಬದಲಾದ ಘಟನೆಯು ರಷ್ಯಾದ ಓರೆನ್ಬರ್ಗ್ ಪ್ರಾಂತ್ಯದಲ್ಲಿ ನಡೆದಿದೆ. ಈ ಘಟನೆಯಲ್ಲಿ 32 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ಇನ್ನು ಘಟನೆ ಸಂಬಂಧ 27 ಮಂದಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಹಾಗೂ 7 ಮಂದಿಗೆ ಒಪಿಡಿಯಲ್ಲಿ ಚಿಕಿತ್ಸೆ ನೀಡಲಾಗಿದೆ ಎಂದು ನ್ಯೂಸ್​ ಏಜೆನ್ಸಿಯೊಂದು ವರದಿ ಮಾಡಿದೆ. ಮದ್ಯಪಾನ ಸೇವನೆ ಮಾಡಿದವರ ದೇಹದಲ್ಲಿ ಮಿಥನಾಲ್​ ಅಂಶ ಪತ್ತೆಯಾಗಿದೆ ಎನ್ನಲಾಗಿದೆ. ನಕಲಿ ಮದ್ಯ ಮಾರಾಟ ಮಾಡುತ್ತಿದ್ದ ಆರೋಪದ ಅಡಿಯಲ್ಲಿ 10 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಕೇಂದ್ರ ಸರ್ಕಾರಿ ಉದ್ಯೋಗಿಗಳಿಗೆ ಬಂಪರ್: 15000 ರೂ. ಹೆಚ್ಚಾಗಲಿದೆ ಸಂಬಳ

ಮದ್ಯವನ್ನು ತಯಾರು ಮಾಡುತ್ತಿದ್ದ ಪ್ರದೇಶದಲ್ಲಿ ಪೊಲೀಸರು ದಾಳಿ ನಡೆಸಿದ್ದು 1279 ಮದ್ಯದ ಬಾಟಲಿಗಳನ್ನು ವಶಕ್ಕೆ ಪಡೆದಿದ್ದಾರೆ. ಓರೆನ್​ಬರ್ಗ್​ ಪ್ರಾಂತ್ಯದಲ್ಲಿರುವ 11 ಜಿಲ್ಲೆಗಳಲ್ಲಿ 800 ನಕಲಿ ಮದ್ಯವನ್ನು ವಶಕ್ಕೆ ಪಡೆಯಲಾಗಿದೆ.

2016ರ ಡಿಸೆಂಬರ್​ ತಿಂಗಳಿನಲ್ಲಿ ರಷ್ಯಾದ ಇರ್ಕ್ಟಸ್ಕ್​​ ಎಂಬಲ್ಲಿ ನಕಲಿ ಮದ್ಯಪಾನ ಸೇವಿಸಿ 70 ಮಂದಿ ಸಾವನ್ನಪ್ಪಿದ್ದರು.