‘ಒನ್ ಮ್ಯಾನ್ ಆರ್ಕೆಸ್ಟ್ರಾ’ ಖ್ಯಾತಿಯ ಸಾಂಟಿಯಾಗೊ ವಿಡಿಯೊ ಭಾರಿ ವೈರಲ್

ಪಿಟೀಲು, ಗಿಟಾರ್, ಡ್ರಮ್ಸ್ ಹೀಗೆ ಹಲವಾರು ವಾದ್ಯಗಳನ್ನು ಪರಿಣಿತ ವಾದಕರು ಒಂದೇ ವೇದಿಕೆಯಲ್ಲಿ ನುಡಿಸುವುದನ್ನು ಕಂಡಿರುತ್ತೀರಿ. ಆದರೆ, ಎಲ್ಲ ವಾದ್ಯಗಳನ್ನು ಒಬ್ಬನೇ ವ್ಯಕ್ತಿ, ಮೈಮೇಲೆ ಹೇರಿಕೊಂಡು ನುಡಿಸುವುದನ್ನು ಬಹುಶಃ ಮೊದಲ ಬಾರಿ ಕಾಣುತ್ತೀರಿ !

ಹೌದು, ಸಾಂಟಿಯಾಗೊ ಮೊರೆನೊ ಎಂಬ ಅರ್ಜೆಂಟಿನಾದ ಸಂಗೀತ ಪ್ರಿಯನೊಬ್ಬನ ದಿನನಿತ್ಯದ ಕೆಲಸವಿದು. ಅದು ಕೂಡ ನಿಂತುಕೊಂಡೇ ಎಲ್ಲ ವಾದ್ಯಗಳನ್ನು ಮೈಮೇಲೆ ಹೇರಿಕೊಂಡು ಸುಶ್ರಾವ್ಯವಾಗಿ ಆತ ಸಂಗೀತ ನುಡಿಸುತ್ತಾನೆ. ಜತೆಗೆ ಹಾಡು ಕೂಡ ಹೇಳುತ್ತಾನೆ. ಬ್ಯುನಸ್ ಏರೀಸ್ ನಗರದಲ್ಲಿ ಈತ ನುಡಿಸಿದ ಸಂಗೀತದ 47 ಸೆಕೆಂಡ್‍ಗಳ ಕ್ಲಿಪ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಕುತ್ತಿಗೆಯಲ್ಲೊಂದು ಬೆಲ್, ಕಾಲಿನಲ್ಲಿ ತಾಳದ ಲೆಕ್ಕಾಚಾರ ಈತನ ವಿಶೇಷತೆ.

ಅಗತ್ಯ ವಸ್ತುಗಳ ಬೆಲೆ ಏರಿಕೆ ವಿಚಾರ; ಬಿಜೆಪಿ ಉಸ್ತುವಾರಿ ಅರುಣ್ ಸಿಂಗ್ ಉಡಾಫೆ ಉತ್ತರ

GoodNewsCorrespondent ಟ್ವಿಟರ್ ಖಾತೆಯಲ್ಲಿ ಮ್ಯೂಸಿಕ್ ಮ್ಯಾನ್ ಎಂಬ ಶೀರ್ಷಿಕೆ ಅಡಿಯಲ್ಲಿ ಸಾಂಟಿಯಾಗೊ ವಿಡಿಯೊ ಲಭ್ಯವಿದೆ. ನೋಡುತ್ತೀರಾ?