ಆಹಾರಕ್ಕಾಗಿ ಶ್ವಾನ ಮಾಡಿದ ಪ್ಲಾನ್​ ಕಂಡು ನೆಟ್ಟಿಗರು ಫಿದಾ..!

ಮನೆಯಲ್ಲೊಂದು ನಾಯಿ ಸಾಕಿದ್ರಿ ಅಂದರೆ ಮುಗೀತು. ನಿಮಗೆ ಮನರಂಜನೆಗೆ ಯಾವುದೇ ಕೊರತೆ ಇರೋದಿಲ್ಲ. ಶ್ವಾನಗಳು ಮಾಡುವ ಚೇಷ್ಟೆಯ ಸಾಕಷ್ಟು ವಿಡಿಯೋಗಳು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಲೇ ಇರುತ್ತದೆ.

ಇದೀಗ ಇಂತದ್ದೇ ಒಂದು ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ಧೂಳೆಬ್ಬಿಸಿದ್ದು ಇದರಲ್ಲಿ ಶ್ವಾನವು ಅಡುಗೆ ಮನೆಯಲ್ಲಿದ್ದ ಆಹಾರ ತಿನ್ನಲು ಉಪಯೋಗಿಸಿದ ಬುದ್ಧಿವಂತಿಕೆ ಕಂಡು ನೆಟ್ಟಿಗರು ಹುಬ್ಬೇರಿಸಿದ್ದಾರೆ.

15 ಸೆಕೆಂಡ್​ಗಳ ವಿಡಿಯೋದಲ್ಲಿ 2 ಕಾಲಲ್ಲೇ ನಡೆದ ಶ್ವಾನವು ಖುರ್ಚಿಯನ್ನು ಅಡುಗೆ ಮನೆ ಕೌಂಟರ್ ​ವರೆಗೆ ನೂಕಿದೆ. ಬಳಿಕ ತಾನು ಖುರ್ಚಿಯ ಮೇಲೆ ಹತ್ತಿಕೊಂಡು ಆಹಾರವನ್ನು ಸೇವಿಸಿದೆ.

ಆದರೆ ಮನೆ ಮಾಲೀಕ ಈ ಎಲ್ಲಾ ದೃಶ್ಯಾವಳಿಯನ್ನು ಚಿತ್ರಿಕರಿಸುತ್ತಿದ್ದಾರೆ ಎಂಬ ಅರಿವು ಮಾತ್ರ ಶ್ವಾನಕ್ಕೆ ಇರಲಿಲ್ಲ. ಈ ವಿಡಿಯೋವನ್ನು ಶೇರ್​ ಮಾಡಿರುವ ಮಾಲೀಕ ಒಂದು ನಿಮಿಷ ಶ್ವಾನವನ್ನು ಒಬ್ಬಂಟಿಯಾಗಿ ಬಿಟ್ಟರೂ ಹೀಗೆಲ್ಲ ಆಗುತ್ತೆ ಎಂದು ಶೀರ್ಷಿಕೆ ನೀಡಿದ್ದಾರೆ.

https://twitter.com/i/status/1427744434758852613