ಮನಿ ಲ್ಯಾಂಡರಿಂಗ್ ಪ್ರಕರಣ ಹಾಗೂ ಸಾರ್ವಜನಿಕ ಬ್ಯಾಂಕುಗಳಿಗೆ ಬರೋಬ್ಬರಿ 3316 ಕೋಟಿ ರೂಪಾಯಿ ನಷ್ಟ ಮಾಡಿದ ಆರೋಪದ ಅಡಿಯಲ್ಲಿ ಪ್ರಥ್ವಿ ಇನ್ಫಾರ್ಮೇಷನ್ ಸಲ್ಯೂಷನ್ ಲಿಮಿಟೆಡ್ನ ಎಂಡಿ ವುಪ್ಪಲಪತಿ ಸತೀಶ್ ಕುಮಾರ್ರನ್ನು ಬಂಧಿಸಿರೋದಾಗಿ ಜಾರಿ ನಿರ್ದೇಶನಾಲಯ ಗುರುವಾರ ಮಾಹಿತಿ ನೀಡಿದೆ.
ಇಡಿ ಅಧಿಕಾರಿಗಳು ಸತೀಶ್ ಕುಮಾರ್ ರನ್ನು ಆಗಸ್ಟ್ 12ರಂದು ವಶಕ್ಕೆ ಪಡೆದಿತ್ತು ಹಾಗೂ ಆಗಸ್ಟ್ 18ರವರೆಗೆ ಕಸ್ಟಡಿಗೆ ಪಡೆದುಕೊಂಡಿರೋದಾಗಿ ಹೇಳಿದೆ.
ವಿಎಂಸಿ ಸಿಸ್ಟಂ ಲಿಮಿಟೆಡ್ನ ಎಂಡಿ ಹೀಮಾ ಬಿಂದು ಅವರ ಸಹಾಕರದಿಂದ ಬ್ಯಾಂಕ್ ಒಕ್ಕೂಟಗಳಿಗೆ ಸುಮಾರು 3316 ಕೋಟಿ ರೂಪಾಯಿ ನಷ್ಟ ಉಂಟು ಮಾಡಿದ ಕಾರಣಕ್ಕಾಗಿ ಕುಮಾರ್ರನ್ನು ಮನಿಲ್ಯಾಂಡರಿಂಗ್ ತಡೆ ಕಾಯ್ದೆಯ ಅಡಿಯಲ್ಲಿ ಬಂಧಿಸಿದ್ದೇವೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಬಿಂದು ಎಂಬವರು ಕುಮಾರ್ರ ಸಹೋದರಿ ಆಗಿದ್ದು ಇವರನ್ನೂ ಸಹ ಇದೇ ತಿಂಗಳ 5ನೇ ತಾರೀಖಿನಂದು ಬಂಧಿಸಲಾಗಿತ್ತು.
ಕಂಪನಿಯ ವಿರುದ್ಧ ಸಿಬಿಐ ದಾಖಲಿಸಿದ ಎಫ್ಐಆರ್ನ್ನು ಆಧರಿಸಿದ ಜಾರಿ ನಿರ್ದೇಶನಾಲಯ ಈ ತನಿಖೆಯನ್ನು ಕೈಗೆತ್ತಿಕೊಂಡಿರೋದಾಗಿ ಹೇಳಿದೆ. ವಿಎಂಸಿಎಸ್ಎಲ್ ವಿವಿಧ ಸಾರ್ವಜನಿಕ ಬ್ಯಾಂಕುಗಳಿಂದ ಕೋಟ್ಯಂತರ ರೂಪಾಯಿ ಸಾಲ ಪಡೆದುಕೊಂಡಿದೆ. ಪ್ರಸ್ತುತ ಈ ಕಂಪನಿಯು 3316 ಕೋಟಿ ರೂಪಾಯಿ ಸಾಲದ ಮೊತ್ತವನ್ನು ಬಾಕಿ ಉಳಿಸಿಕೊಂಡಿದೆ.
ಯಾವುದೇ ಸಂಬಂಧವೇ ಇಲ್ಲದೇ ಇದ್ದರೂ ಸಹ ಬಿಎಸ್ಎನ್ಎಲ್ ಟೆಂಡರ್ನಿಂದ ವಿಎಂಸಿಎಸ್ಎಲ್ ಕಂಪನಿಯು ಪಿಐಎಸ್ಎಲ್ ಶೇಕಡಾ ಮೂರು ಪ್ರತಿಶತ ಕಮಿಷನ್ ನೀಡಿರುವ ವಿಚಾರ ವಿಧಿವಿಜ್ಞಾನ ಲೆಕ್ಕ ಪರಿಶೋಧನೆಯಲ್ಲಿ ಬೆಳಕಿಗೆ ಬಂದಿದೆ.
Loading ...