ಚಲಿಸುತ್ತಿರುವ ಬಸ್ ಒಂದನ್ನು ಏರಲು ಓಡಿ ಬಂದ 55 ವರ್ಷ ವಯಸ್ಸಿನ ವ್ಯಕ್ತಿಯೊಬ್ಬರು ಚಕ್ರಕ್ಕೆ ಸಿಲುಕಿ ಮೃತಪಟ್ಟ ಘಟನೆ ಮುಂಬಯಿಯ ಗೋರೆಗಾಂವ್‌ ಡಿಪೋ ಬಳಿ ಜರುಗಿದೆ.
ವಸಂತ್ ಘೋಲೆ ಎಂಬ ಈ ವ್ಯಕ್ತಿ ಬುಧವಾರ ಮದ್ಯಾಹ್ನ 1 ಗಂಟೆಯ ವೇಳೆಗೆ ಗೋರೆಗಾಂವ್‌‌ನ ಯಶವಂತ ನಗರದ ಬಳಿ ತಮ್ಮ ಬಂಧುಗಳ ಮನೆಗೆ ತೆರಳಲು ಬಸ್‌ಗಾಗಿ ಕಾಯುತ್ತಿದ್ದರು. ಬಸ್ ಡಿಪೋ ಆಚೆ ಇದ್ದ ಘೋಲೆಗೆ ತಾವು ಹೋಗಬೇಕಿದ್ದ ರೂಟ್‌ನ ಬೆಸ್ಟ್ ಬಸ್ಸೊಂದು ಚಲಿಸುತ್ತಿದೆ ಎಂದು ತಿಳಿದ ಕೂಡಲೇ ಬಸ್ ಹಿಂದೆ ಓಡಿ ಹೋಗಿ ತಿರುವು ಪಡೆಯುತ್ತಿದ್ದ ಬಸ್ಸಿಗೆ ಹತ್ತಿದ್ದಾರೆ.
ಈ ವೇಳೆ ದೇಹದ ಮೇಲೆ ನಿಯಂತ್ರಣ ಕಳೆದುಕೊಂಡ ಘೋಲೆ ಬಸ್ಸಿನ ಹಿಂಬದಿ ಚಕ್ರಕ್ಕೆ ಸಿಲುಕಿ ಮೃಪಟ್ಟಿದ್ದಾರೆ.
ಪತ್ನಿ ಪರಾರಿಯಾಗಿದ್ದಕ್ಕೆ ಅಳಿಯನಿಂದ ಆಘಾತಕಾರಿ ಕೃತ್ಯ: ತವರಿನವರ ಬೆದರಿಸಿ ಕುದಿಯುವ ಎಣ್ಣೆಗೆ ಕೈಹಾಕಿಸಿದ ಕಿಡಿಗೇಡಿ
ಬೆಸ್ಟ್ ಬಸ್ಸಿನ ಚಾಲಕನನ್ನು ಬಂಧಿಸಿದ್ದ ಪೊಲೀಸರು, ಆತನ ವಿರುದ್ಧ ಬೇಜವಾಬ್ದಾರಿ ಚಾಲನೆಯಿಂದ ವ್ಯಕ್ತಿಯೊಬ್ಬರ ಸಾವಿಗೆ ಕಾರಣವಾಗಿದ್ದಾರೆಂದು ಐಪಿಸಿಯ 304ಎ ಸೆಕ್ಷನ್‌ ಅಡಿ ಕೇಸ್ ದಾಖಲಿಸಿದ್ದರು. ಆದರೆ ಸಿಸಿ ಟಿವಿ ಫುಟೇಜ್ ವೀಕ್ಷಿಸಿದ ಬಳಿಕ ಅದು ಘೋಲೆರ ತಪ್ಪು ಎಂದು ಅರಿವಿಗೆ ಬಂದಿದೆ.
Loading ...