ರಾಜ್ಯ ರಾಜಕೀಯದಲ್ಲಿ ಸದ್ಯ ಖಾತೆ ಹಂಚಿಕೆಯ ಸುದ್ದಿಯೇ ಜೋರಾಗಿದೆ. ನಿರೀಕ್ಷೆಗೆ ತಕ್ಕ ಖಾತೆ ಸಿಗದ ಹಿನ್ನೆಲೆ ಆನಂದ್ ಸಿಂಗ್ ಕೆಂಡವಾಗಿದ್ದಾರೆ. ಈ ವಿಚಾರವಾಗಿ ಚಿಕ್ಕೋಡಿಯಲ್ಲಿ ಮಾತನಾಡಿದ ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್. ಈಶ್ವರಪ್ಪ ಮಿತ್ರಮಂಡಳಿ ಶಾಸಕರ ಋಣ ತೀರಿಸಬೇಕಾದದ್ದು ನಮ್ಮ ಕರ್ತವ್ಯ ಎಂದು ಹೇಳಿದ್ರು.
ಬಿಜೆಪಿ ಸರ್ಕಾರ ಸಂಪುಟ ರಚನೆ ಮಾಡ್ತಿದೆ ಅಂದರೆ ಅದಕ್ಕೆ ಕಾಂಗ್ರೆಸ್ ಹಾಗೂ ಜೆಡಿಎಸ್ನಿಂದ ಬಂದ ಶಾಸಕರೇ ಮುಖ್ಯ ಕಾರಣ. ಅವರು ಬಿಜೆಪಿಗೆ ಸೇರ್ಪಡೆಯಾಗದೇ ಹೋಗಿದ್ದಲ್ಲಿ ನಮ್ಮ ಸರ್ಕಾರ ಅಸ್ತಿತ್ವಕ್ಕೆ ಬರ್ತಾನೇ ಇರಲಿಲ್ಲ. ಹೀಗಾಗಿ ನಾವು ಅವರ ಋಣವನ್ನು ತೀರಿಸಲೇಬೇಕು. ಅವರಿಗೆ ಸೂಕ್ತ ಮಂತ್ರಿ ಸ್ಥಾನ ನೀಡಿ ಮಿಕ್ಕಿದ್ದನ್ನು ನಾವು ಹಂಚಿಕೊಳ್ಳಬೇಕು. ಆನಂದ್ ಸಿಂಗ್ರ ಸಮಸ್ಯೆಯನ್ನು ಸಿಎಂ ಶೀಘ್ರದಲ್ಲೇ ಪರಿಹಾರ ಮಾಡುತ್ತಾರೆ ಎಂಬ ನಂಬಿಕೆ ಇದೆ ಎಂದು ಹೇಳಿದ್ರು.
ಅವಾಚ್ಯ ಪದ ಬಳಕೆ ವಿಚಾರವಾಗಿ ಕಾಂಗ್ರೆಸ್ಸಿಗರ ಆಕ್ರೋಶದ ವಿಚಾರವಾಗಿಯೂ ಇದೇ ವೇಳೆ ಮಾತನಾಡಿದ ಅವರು, ಹರಿಪ್ರಸಾದ್ ನನ್ನನ್ನು ಜೋಕರ್ ಎಂದರು, ಮೋದಿ ಹೆಸರನ್ನು ಸುಲಭ ಶೌಚಾಲಯಕ್ಕೆ ಇಡಬೇಕು ಎಂದರು. ಇದನ್ನು ಕಾಂಗ್ರೆಸ್ನವರು ಒಪ್ಪುತ್ತಾರೆಯೇ..? ಕಾಂಗ್ರೆಸ್ ಪ್ರತಿಭಟನೆ ಮಾಡೋದಾದರೆ ಮಾಡಲಿ. ಬೇಡ ಎಂದವರು ಯಾರು..? ಎಂದು ಹೇಳಿದ್ರು.
Loading ...