ಆ್ಯಪಲ್ ಕಂಪನಿಯು ಹೊಸದೊಂದು ವೈಶಿಷ್ಟ್ಯವನ್ನ ಅಭಿವೃದ್ಧಿ ಪಡಿಸಲು ಮುಂದಾಗಿದ್ದು ಈ ಸೌಲಭ್ಯದ ಮೂಲಕ ಐ ಫೋನ್ನಲ್ಲಿ ಮಕ್ಕಳ ಅಶ್ಲೀಲ ಫೋಟೋಗಳನ್ನು ಗುರುತಿಸಬಹುದಾಗಿದೆ. ಮಕ್ಕಳ ಅಶ್ಲೀಲತೆ ಸಂಬಂಧ ಈ ಹಿಂದೆ ಇದ್ದ ಆ್ಯಪ್ನ್ನು ಆ್ಯಪ್ ಸ್ಟೋರ್ನಿಂದ ತೆಗೆದು ಹಾಕಲಾಗಿತ್ತು. ಆದರೆ ಇದೀಗ ಇದಕ್ಕೆ ಸಂಬಂಧಿಸಿದ ಪ್ರತ್ಯೇಕ ಸೌಲಭ್ಯವನ್ನು ಪರಿಚಯಿಸಲಾಗ್ತಿದೆ ಎನ್ನಲಾಗಿದೆ. ಫೋಟೋ ಹ್ಯಾಶಿಂಗ್ ಬಳಸಿ ಐಫೋನ್ಗಳಲ್ಲಿ ಮಕ್ಕಳ ಅಶ್ಲೀಲ ಫೋಟೋಗಳನ್ನು ಗುರುತಿಸಬಹುದಾಗಿದೆ.
ಅಂದಹಾಗೆ ಆ್ಯಪಲ್ ಕಂಪನಿ ಈ ಬಗ್ಗೆ ಯಾವುದೇ ಹೇಳಿಕೆಯನ್ನು ನೀಡಿಲ್ಲ. ಆದರೆ ಈ ಬಗ್ಗೆ ಸೆಕ್ಯೂರಿಟಿ ಎಕ್ಸ್ಪರ್ಟ್ ಮ್ಯಾಥ್ಯೂ ಗ್ರೀನ್ ಸುಳಿವನ್ನು ಬಿಟ್ಟುಕೊಟ್ಟಿದ್ದಾರೆ.
ಗ್ರೀನ್ ನೀಡಿರುವ ಮಾಹಿತಿಯ ಪ್ರಕಾರ, ಈ ವೈಶಿಷ್ಟ್ಯವು ಐಫೋನ್ಗಳಲ್ಲಿ ಮಕ್ಕಳ ಅಶ್ಲೀಲ ಚಿತ್ರಗಳನ್ನು ಪತ್ತೆ ಹಚ್ಚಲು ವರದಾನವಾಗಿದೆ. ಗ್ರೀನ್ ಹಾಗೂ ಜಾನ್ಸ್ ಹಾಪ್ಕಿನ್ಸ್ ಯೂನಿವರ್ಸಿಟಿ ಈ ಹಿಂದೆ ಆ್ಯಪಲ್ ಮೆಸೇಜ್ ಸೆಕ್ಯೂರಿಟಿ ಬಗ್ನಲ್ಲಿ ಜಂಟಿಯಾಗಿ ಕೆಲಸ ನಿರ್ವಹಿಸಿದ್ದರು.
Loading ...