ಸೆಮಿಫೈನಲ್​​ನಲ್ಲಿ ಭಾರತದ ಬಜರಂಗ್​ ಪೂನಿಯಾಗೆ ಸೋಲು: ನಾಳೆ ಕಂಚಿನ ಪದಕಕ್ಕಾಗಿ ಸೆಣೆಸಾಟ

ಟೋಕಿಯೋ ಒಲಿಂಪಿಕ್ಸ್​​ನಲ್ಲಿ 65 ಕೆಜಿ ಪುರುಷರ ಫ್ರೀ ಸ್ಟೈಲ್​ ವಿಭಾಗದಲ್ಲಿ ನಂ.2 ವಿಶ್ವ ಶ್ರೇಯಾಂಕಿತ ಭಾರತದ ಕುಸ್ತಿಪಟು ಬಜರಂಗ್​ ಪೂನಿಯಾ ಪರಾಭವಗೊಂಡಿದ್ದಾರೆ. ಈ ಮೂಲಕ ಬಜರಂಗ್​ ಕೈಯಿಂದ ಬೆಳ್ಳಿ ಪದಕ ಮಿಸ್​ ಆಗಿದೆ. ಅಝೆರ್​ಬೈಜಾನ್​​ನ ಹಾಜಿ ಅಲಿಯೇವ್​ ವಿರುದ್ಧ ಪೂನಿಯಾ 12-5 ಅಂತರದಲ್ಲಿ ಪರಾಭವಗೊಂಡರು.

ನಾಳೆ ಪೂನಿಯಾ ಕಂಚಿನ ಪದಕಕ್ಕಾಗಿ ಸೆಣೆಸಾಟ ನಡೆಸಲಿದ್ದಾರೆ. ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಪುನಿಯಾ ಇರಾನಿನ ಮೊರ್ತೆಜಾ ಘಿಯಾಸಿ ಚೆಕಾ ವಿರುದ್ಧ 2-1 ಅಂತರದಲ್ಲಿ ಗೆಲ್ಲುವ ಮೂಲಕ ಪೂನಿಯಾ ಸೆಮಿಫೈನಲ್​ ಪ್ರವೇಶಿಸಿದ್ದರು. ನಾಳೆ ಪೂನಿಯಾ ಕಂಚಿನ ಪದಕ ಗೆಲ್ಲುವಲ್ಲಿ ಯಶಸ್ವಿಯಾದಲ್ಲಿ ಇದು ಅವರ ವೃತ್ತಿ ಜೀವನದ ಮೊದಲ ಒಲಿಂಪಿಕ್​ ಪದಕ ಎನಿಸಲಿದೆ.