‘ಆಧಾರ್’ ಹೊಂದಿದವರಿಗೆ ಮತ್ತೊಂದು ಗುಡ್ ನ್ಯೂಸ್: ಕಾರ್ಡ್ ‘ಪರಿಶೀಲನೆ’ ಬಗ್ಗೆ ಇಲ್ಲಿದೆ ಮುಖ್ಯ ಮಾಹಿತಿ

ಮನೆ ಖರೀದಿ, ಹೊಸ ಬಾಡಿಗೆದಾರರಿಗೆ ಮನೆ ಕೊಡುವಾಗ, ಚಾಲಕರು, ಸಹಾಯಕರನ್ನು ನೇಮಿಸಿಕೊಳ್ಳುವ ಸಂದರ್ಭದಲ್ಲಿ ನೀವು ಇನ್ನು ಮುಕ್ತ ಮನಸ್ಸಿನಿಂದ ಸುಲಭವಾಗಿ ಮಾಡಬಹುದು. ಆಧಾರ್ ಕಾರ್ಡ್ ನೀಡುವ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ(ಯುಐಡಿಎಐ) ವ್ಯಕ್ತಿಗಳು ಮತ್ತು ಖಾಸಗಿ ನಾಗರಿಕರು ಇನ್ನೊಬ್ಬ ವ್ಯಕ್ತಿಯ ಆಧಾರ್ ಅನ್ನು ಪರಿಶೀಲಿಸುವ ಸೌಲಭ್ಯವನ್ನು ಕಲ್ಪಿಸಿದೆ. ಇದರ ಮೂಲಕ ನೀವು ಹಿನ್ನೆಲೆ ಪರಿಶೀಲನೆ ಮಾಡಬಹುದು. ಈ ವೈಶಿಷ್ಟ್ಯವು ಸರ್ಕಾರಿ ಸಂಸ್ಥೆಗಳು ಮತ್ತು ಬ್ಯಾಂಕುಗಳಿಗೆ ಮಾತ್ರ ಸೀಮಿತವಾಗಿತ್ತು. ಆದರೆ, ನಂತರ ಸಾರ್ವಜನಿಕರಿಗೂ ಮುಕ್ತವಾಗಿದೆ.

ಯುಐಡಿಎಐ 2009 ರ ಜನವರಿಯಲ್ಲಿ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ ಅಡಿಯಲ್ಲಿ ಭಾರತ ಸರ್ಕಾರವು ಸ್ಥಾಪಿಸಿದ ಒಂದು ಶಾಸನಬದ್ಧ ಸಂಸ್ಥೆಯಾಗಿದೆ. ಇದು ಆಧಾರ್(ಹಣಕಾಸು ಮತ್ತು ಇತರ ಸಬ್ಸಿಡಿಗಳು, ಲಾಭಗಳು ಮತ್ತು ಸೇವೆಗಳ ಉದ್ದೇಶಿತ ವಿತರಣೆ) ಕಾಯ್ದೆ, 2016 ರ ನಿಯಮಗಳನ್ನು ಅನುಸರಿಸಿದ ಸಂಸ್ಥೆಯಾಗಿದೆ. ಕಾಯ್ದೆ ಜಾರಿಗೆ ಬರುವ ಮೊದಲು, UIDAI ಯೋಜನಾ ಆಯೋಗದ ಲಗತ್ತು ಕಚೇರಿಯಾಗಿ ಕಾರ್ಯನಿರ್ವಹಿಸುತ್ತಿತ್ತು, ಈಗ ಅದು NITI ಆಯೋಗವಾಗಿದೆ. ಆಧಾರ್ ವಿಶ್ವದ ಅತಿದೊಡ್ಡ ಬಯೋಮೆಟ್ರಿಕ್ ಗುರುತಿಸುವಿಕೆಯ ವ್ಯವಸ್ಥೆಯಾಗಿದೆ.

ನಮ್ಮ ದೈನಂದಿನ ಜೀವನದ ಪ್ರತಿಯೊಂದಕ್ಕೂ ಕಾರ್ಡ್ ಅನಿವಾರ್ಯವೆನ್ನುವಂತಾಗಿದೆ. ಬ್ಯಾಂಕ್ ಖಾತೆಗಳು, ಗೃಹ ಸಾಲಗಳು, ಸೆಲ್‌ಫೋನ್ ಯೋಜನೆಗಳು, ಆರೋಗ್ಯ ವಿಮೆ ಮೊದಲಾದವುಗಳಲ್ಲಿ ಆಧಾರ್ ಜೋಡಣೆಯಾಗಿದೆ. ಈ 12-ಅಂಕಿಯ ಸಂಖ್ಯೆಯು ಭಾರತೀಯ ನಾಗರಿಕರು ಕೈಗೊಂಡ ಎಲ್ಲಾ ಚಟುವಟಿಕೆಗಳಿಗೆ ಲಿಂಕ್ ಆಗಿದೆ. ಉದ್ಯೋಗ, ಕಾಲೇಜು ದಾಖಲಾತಿ, ಬ್ಯಾಂಕ್ ಖಾತೆಯನ್ನು ತೆರೆಯಲು ಆಧಾರ್ ದೃಢೀಕರಣ ಪಡೆಯಲಾಗುವುದು.

ನೀವು ಯಾರನ್ನಾದರೂ ನೇಮಿಸಿಕೊಳ್ಳುವಾಗ ಭದ್ರತಾ ಪರಿಶೀಲನೆ ಕೂಡ ಮುಖ್ಯವಾಗಿದೆ. ಯುಐಡಿಎಐ ಪೋರ್ಟಲ್‌ನಲ್ಲಿರುವ ಆಧಾರ್ ಸೌಲಭ್ಯಗಳು ಈಗ ಕೆಲವು ಸರಳ ಹಂತಗಳೊಂದಿಗೆ ನಿಮಗೆ ಪರಿಶೀಲನೆಗೆ ಅವಕಾಶ ನೀಡುತ್ತವೆ.

ನೀವು ಬೇರೊಬ್ಬರ ಆಧಾರ್ ಪರಿಶೀಲಿಸುವುದು ಹೇಗೆ…?

ಹಂತ 1: ಅಧಿಕೃತ UIDAI ವೆಬ್‌ಸೈಟ್‌ಗೆ ಹೋಗಿ ಅಥವಾ ನೀವು ನಿರ್ದಿಷ್ಟ ಪೇಜ್ ಗೆ ಹೋಗಬಹುದು (https://resident.uidai.gov.in/verify).

ಹಂತ 2: ಡ್ರಾಪ್-ಡೌನ್ ಮೆನುವಿನಲ್ಲಿ ‘ನನ್ನ ಆಧಾರ್’ ವರ್ಗದಲ್ಲಿ ಬರುವ ‘ಆಧಾರ್ ಸೇವೆಗಳು’ ವಿಭಾಗದ ಮೇಲೆ ಕ್ಲಿಕ್ ಮಾಡಿ.

ಹಂತ 3: ನೀವು ಅದನ್ನು ಕಂಡುಕೊಂಡ ನಂತರ, ನಿಮ್ಮ ಸ್ಕ್ರೀನ್ ಮೇಲೆ ‘ಆಧಾರ್ ಸಂಖ್ಯೆಯನ್ನು ದೃಢೀಕರಿಸಿ’ ಆಯ್ಕೆ ಕ್ಲಿಕ್ ಮಾಡಿ.

ಹಂತ 4: ಅದನ್ನು ಕ್ಲಿಕ್ ಮಾಡಿದ ನಂತರ, ನಿಮ್ಮನ್ನು ಮರುನಿರ್ದೇಶಿಸಲಾಗುತ್ತದೆ ಮತ್ತು ಹೊಸ ಪುಟ ತೆರೆಯುತ್ತದೆ. ಆಧಾರ್ ಪರಿಶೀಲನೆ ಪುಟ ತೆರೆದುಕೊಳ್ಳುತ್ತದೆ.

ಹಂತ 5: ಹೊಸ ಪುಟದಲ್ಲಿ ನೀವು ಅಗತ್ಯ ಮಾಹಿತಿಯನ್ನು ಭರ್ತಿ ಮಾಡಬೇಕಾದ ಕೆಲವು ಬಾಕ್ಸ್ ಗಳನ್ನು ನೋಡುತ್ತೀರಿ. ನಿಮ್ಮ ಆಧಾರ್ ಸಂಖ್ಯೆ ಮತ್ತು ಕೆಳಗೆ ನೀಡಿರುವ ಕ್ಯಾಪ್ಚಾವನ್ನು ಸಂಬಂಧಿತ ಪೆಟ್ಟಿಗೆಯಲ್ಲಿ ಭರ್ತಿ ಮಾಡಿ. ನಿಮ್ಮ ಮಾಹಿತಿಯನ್ನು ನೀವು ನಮೂದಿಸಿದ ನಂತರ, ಪುಟದ ಕೆಳಭಾಗದಲ್ಲಿರುವ ‘ಪರಿಶೀಲಿಸಲು ಮುಂದುವರಿಯಿರಿ’ ಬಟನ್ ಮೇಲೆ ಕ್ಲಿಕ್ ಮಾಡಿ.

ಹಂತ 6: ನೀವು ವೆರಿಫೈ ಆಯ್ಕೆಯನ್ನು ಕ್ಲಿಕ್ ಮಾಡಿದ ನಂತರ, ಎರಡು ವಿಷಯಗಳಲ್ಲಿ ಒಂದು ಕಾಣಿಸುತ್ತದೆ. ನೀವು ನಮೂದಿಸಿದ ಆಧಾರ್ ಸಂಖ್ಯೆಯು ನೈಜ ಮತ್ತು ಅಧಿಕೃತವಾಗಿದ್ದರೆ ನಮೂದಿಸಿದ ಸಂಖ್ಯೆಯ ಸ್ಥಿತಿಯನ್ನು ಪ್ರದರ್ಶಿಸಲಾಗುತ್ತದೆ. ಅದನ್ನು ವೆಬ್‌ಸೈಟ್‌ನಲ್ಲಿ ಕಾರ್ಯಾಚರಣ ಸಂಖ್ಯೆಯಾಗಿ ಪಟ್ಟಿ ಮಾಡಲಾಗುತ್ತದೆ. ಸಂಖ್ಯೆಯು ಸರಿಯಾಗಿಲ್ಲದಿದ್ದರೆ ಅಥವಾ ನಿಷ್ಕ್ರಿಯಗೊಳಿಸಿದ್ದರೆ ಅದೇ ರೀತಿ ನಿಮಗೆ ತಿಳಿಸುವ ಅಧಿಸೂಚನೆಯನ್ನು ನೀವು ಸ್ವೀಕರಿಸುತ್ತೀರಿ.

ಈಗಂತೂ ಸುರಕ್ಷತಾ ಕ್ರಮಗಳನ್ನು ಅನುಸರಿಸುವುದು ಬಹುಮುಖ್ಯವಾಗಿದೆ. ಆದ್ದರಿಂದ ಸರ್ಕಾರವು ಸಾಮಾನ್ಯ ನಾಗರಿಕರಿಗೂ ಪರಿಶೀಲನೆಯ ಡೊಮೇನ್ ಅನ್ನು ವಿಸ್ತರಿಸಿದೆ ಎಂದು ಹೇಳಲಾಗಿದೆ.