ಅಶ್ಲೀಲ ಚಿತ್ರ ಪ್ರಕರಣದಡಿಯಲ್ಲಿ ಬಂಧನಕ್ಕೊಳಗಾಗಿರುವ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಪತಿ ಹಾಗೂ ಉದ್ಯಮಿ ರಾಜ್ ಕುಂದ್ರಾ ಬ್ಯಾಂಕ್ ಖಾತೆಯನ್ನು ಮುಂಬೈ ಕ್ರೈಂ ಬ್ರ್ಯಾಂಚ್ ಪೊಲೀಸರು ಸೀಝ್ ಮಾಡಿದ್ದಾರೆ.
ಕಾನ್ಪುರದಲ್ಲಿರುವ ರಾಜ್ ಕುಂದ್ರಾರ ಬ್ಯಾಂಕ್ ಖಾತೆಯನ್ನು ಸೀಜ್ ಮಾಡುವಂತೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾಗೆ ಪೊಲೀಸರು ನಿರ್ದೇಶನ ನೀಡಿದ್ದಾರೆ.
ಭಾನುವಾರ ಕುಂದ್ರಾರ ಬ್ಯಾಂಕ್ ಖಾತೆಗಳನ್ನ ಸೀಜ್ ಮಾಡುತ್ತಿದ್ದಂತೆಯೇ ಕುಂದ್ರಾಗೆ ಸಂಬಂಧಿಸಿದ ಇನ್ನೊಂದು ವಿಚಾರ ಬೆಳಕಿಗೆ ಬಂದಿದೆ. ರಾಜ್ ಕುಂದ್ರಾರ ಪ್ರೊಡಕ್ಷನ್ ಕಂಪನಿಯನ್ನು ಅರವಿಂದ್ ಶ್ರೀವಾತ್ಸವ ಮುನ್ನಡೆಸುತ್ತಿದ್ರು. ವಿಪರ್ಯಾಸ ಅಂದರೆ ಈ ಖಾತೆಗಳಿಂದ ಕೋಟಿ ಕೋಟಿ ಹಣವನ್ನ ಅರವಿಂದ್ ಶ್ರೀವಾತ್ಸವರ ಪತ್ನಿ ಹರ್ಷಿತಾ ಖಾತೆಗೆ ವರ್ಗಾವಣೆಯಾಗಿದೆ.
ಇನ್ನು ಈ ವಿಚಾರವಾಗಿ ಮಾತನಾಡಿದ ಅರವಿಂದ್ ತಂದೆ ಎನ್ಪಿ ಶ್ರೀವಾತ್ಸವ, ಕಳೆದ 2 ವರ್ಷಗಳಿಂದ ಅರವಿಂದ ಮನೆಗೆ ಬಂದಿಲ್ಲ. ಆದರೆ ಆತ ಮನೆ ಖರ್ಚಿಗೆ ಹಣವನ್ನು ಮಾತ್ರ ಕಳುಹಿಸಿಕೊಡ್ತಿದ್ದ ಎಂದು ಹೇಳಿದ್ದಾರೆ.
2011ರಲ್ಲಿ ಮುಂಬೈ ಕ್ರೈಂ ಬ್ರ್ಯಾಂಚ್ ಪೊಲೀಸರು ಅರವಿಂದ್ ಮೇಲೆ ಲುಕ್ಔಟ್ ನೋಟಿಸ್ ಜಾರಿ ಮಾಡಿದ್ದರು. ಅರವಿಂದ್ ಏನು ಕೆಲಸ ಮಾಡುತ್ತಾರೆ ಹಾಗೂ ಹರ್ಷಿತಾ ಖಾತೆಗೆ ಹೇಗೆ ಹಣ ವರ್ಗಾವಣೆ ಆಗುತ್ತಿತ್ತು ಅನ್ನೋದ್ರ ಬಗ್ಗೆ ನನಗೆ ಸರಿಯಾದ ಮಾಹಿತಿ ಇಲ್ಲ ಎಂದು ಶ್ರೀವಾತ್ಸವ ಹೇಳಿದ್ದಾರೆ.
Loading ...