ಸಹ ಜೀವನ ನಡೆಸಿ ವಜಾಗೊಂಡಿದ್ದ ಸರ್ಕಾರಿ ಉದ್ಯೋಗಿ ಮರು ನೇಮಕಾತಿ, ಹೈಕೋರ್ಟ್ ಮಹತ್ವದ ಆದೇಶ

ಅಲಹಾಬಾದ್: ಸರ್ಕಾರಿ ನೌಕರನ ಮರು ನೇಮಕಾತಿ ಕುರಿತಂತೆ ಅಲಹಾಬಾದ್ ಹೈಕೋರ್ಟ್ ಮಹತ್ವದ ಆದೇಶ ನೀಡಿದೆ.

ಮದುವೆಯಾಗಿದ್ದರೂ, ಮಹಿಳೆಯ ಜೊತೆಗೆ ಸಹ ಜೀವನ ನಡೆಸುತ್ತಿದ್ದ ಸರ್ಕಾರಿ ಉದ್ಯೋಗಿ ವರ್ಮಾ ಅವರನ್ನು ಉತ್ತರಪ್ರದೇಶ ಸರ್ಕಾರ ವಜಾಗೊಳಿಸಿತ್ತು. ಸರ್ಕಾರದ ಆದೇಶವನ್ನು ಅಲಹಾಬಾದ್ ಹೈಕೋರ್ಟ್ ತಿರಸ್ಕರಿಸಿದ್ದು, ನೌಕರನ ಮರುನೇಮಕ ಮಾಡಿಕೊಳ್ಳುವಂತೆ ಆದೇಶಿಸಿದೆ.

ಸಹಜೀವನ ನಡೆಸುತ್ತಿದ್ದ ವ್ಯಕ್ತಿಯನ್ನು ಮರು ನೇಮಿಸಿಕೊಳ್ಳಬೇಕು. ಆತನಿಗೆ ಅಲ್ಪ ಮೊತ್ತದ ದಂಡ ವಿಧಿಸಬೇಕು ಎಂದು ರಾಜ್ಯ ಸರ್ಕಾರಿ ಅಧಿಕಾರಿಗಳಿಗೆ ನ್ಯಾಯಾಲಯ ನಿರ್ದೇಶನ ನೀಡಿದ್ದು, ವಜಾಗೊಳಿಸಿದ ದಿನದಿಂದ ಇದುವರೆಗಿನ ಬಾಕಿ ವೇತನ ನೀಡಬಾರದು ಎಂದು ಸ್ಪಷ್ಟಪಡಿಸಲಾಗಿದೆ.