ಲಿಪ್ಸ್ಟಿಕ್ ಬಹುಕಾಲ ತುಟಿಯಲ್ಲಿ ಹಾಗೇ ಇರಬೇಕು ಅನ್ನೋ ಆಸೆ ಮಹಿಳೆಯರಿಗೆ ಇರುತ್ತೆ. ಆದರೆ ಆಹಾರ ಸೇವಿಸಿದಾಗ ಇಲ್ಲವೇ ಪಾನೀಯಗಳನ್ನ ಕುಡಿದಾಗ ಲಿಪ್ಸ್ಟಿಕ್ ಹೋಗಿಬಿಡಬಹುದು. ಇದರಿಂದ ನಿಮ್ಮ ಮೇಕಪ್ ಒಂದು ರೀತಿ ಒಳ್ಳೆಯ ಕಳೆಯನ್ನ ಕಳೆದುಕೊಂಡು ಬಿಡುತ್ತೆ.
ಹಾಗಾದ್ರೆ ಲಿಪ್ಸ್ಟಿಕ್ ತುಟಿಯಲ್ಲಿ ಫ್ರೆಶ್ ಆಗೇ ಇರಬೇಕು ಅಂದರೆ ಏನು ಮಾಡಬೇಕು..? ಅನ್ನೋ ಪ್ರಶ್ನೆ ನಿಮ್ಮ ತಲೆಯಲ್ಲಿ ಇರಬಹುದು. ಇದಕ್ಕೆ ಉತ್ತರ ಇಲ್ಲಿದೆ ನೋಡಿ.
ನಿಮ್ಮ ತುಟಿ ಮೃದುವಾಗಿ ಇದ್ದಷ್ಟು ಲಿಪ್ಸ್ಟಿಕ್ ನಿಮ್ಮ ತುಟಿಯಲ್ಲಿ ಬಾಳಿಕೆ ಬರಲಿದೆ. ಒಡಕು ತುಟಿ, ಒಣ ತುಟಿಗಳ ಮೇಲೆ ಲಿಪ್ಸ್ಟಿಕ್ ನಿಲ್ಲೋದಿಲ್ಲ. ಹೀಗಾಗಿ ಮೇಕಪ್ ಮಾಡುವ ಮುನ್ನವೇ ತುಟಿಗೆ ನಿಮ್ಮಿಷ್ಟದ ಮಾಯಶ್ಚರೈಸರ್ ಹಚ್ಚಿಕೊಳ್ಳಿ. ಇದಾದ ಬಳಿಕ ಲಿಪ್ಸ್ಟಿಕ್ ಹಚ್ಚಿದ್ರೆ ಒಳ್ಳೆಯದು.
ಟಿಶ್ಯೂ ಪೇಪರ್ ಕೂಡ ನಿಮ್ಮ ಈ ಸಮಸ್ಯೆಗೆ ಒಂದೊಳ್ಳೆ ಪರಿಹಾರ ನೀಡಬಲ್ಲದು. ಒಂದು ಲೇಯರ್ ಲಿಪ್ಸ್ಟಿಕ್ ಹಚ್ಚಿದ ಬಳಿಕ ಟಿಶ್ಯು ಪೇಪರ್ನ್ನು ನಿಮ್ಮ ತುಟಿಯ ಮಧ್ಯದಲ್ಲಿ ಇರಿಸಿ. ತುಟಿಗಳನ್ನ ಟಿಶ್ಯೂ ಪೇಪರ್ಗೆ ತಾಕಿಸಿ. ಈ ರೀತಿ ಮಾಡೋದ್ರಿಂದ ಕೂಡ ಲಿಪ್ ಸ್ಟಿಕ್ ಲಾಂಗ್ ಲಾಸ್ಟಿಂಗ್ ಆಗಿರಲಿದೆ.
ಮಾರುಕಟ್ಟೆಗಳಲ್ಲಿ ಲಭ್ಯವಿರುವ ಲಿಪ್ ಪ್ರೈಮರ್ ಕೂಡ ಈ ಸಮಸ್ಯೆಗೆ ಬೆಸ್ಟ್ ಪರಿಹಾರ. ಈ ಲಿಪ್ ಪ್ರೈಮರ್ಗಳು ಮಾಯಶ್ಚುರೈಸರ್ನಂತೆಯೇ ಕಾರ್ಯನಿರ್ವಹಿಸಲಿದೆ. ತುಟಿಯ ಮೃದು ಮಾಡೋದ್ರ ಜೊತೆಯಲ್ಲಿ ತುಟಿಗೆ ಹೊಳಪನ್ನೂ ನೀಡಲಿದೆ.
ಎಲ್ಲಕ್ಕಿಂತ ಮುಖ್ಯವಾಗಿ ಒಳ್ಳೆಯ ಗುಣಮಟ್ಟದ ಲಿಪ್ಸ್ಟಿಕ್ಗಳನ್ನೇ ಬಳಕೆ ಮಾಡಿ. ತುಟಿ ತುಂಬಾನೇ ಸೂಕ್ಷ್ಮವಾದ ಭಾಗವಾದ್ದರಿಂದ ಲಿಪ್ಸ್ಟಿಕ್ ಖರೀದಿ ವೇಳೆ ಜಿಪುಣತನ ಬೇಡ. ಮಾರುಕಟ್ಟೆಯಲ್ಲಿ ಪ್ರಸಿದ್ಧಿ ಪಡೆದಿರುವ ಬ್ರ್ಯಾಂಡ್ಗಳನ್ನೇ ಆದಷ್ಟು ಬಳಕೆ ಮಾಡಲು ಯತ್ನಿಸಿ.
Loading ...