ʼಕೊರೊನಾʼ ನಿರ್ಬಂಧ ಸಡಿಲಿಕೆ ಬಳಿಕ ರೆಸ್ಟೋರೆಂಟ್​ ಗಳಿಗೆ ನೂಕುನುಗ್ಗಲು

ಅಮೆರಿಕದಲ್ಲಿ ಕೊರೊನಾ ನಿರ್ಬಂಧಗಳು ಕಡಿಮೆಯಾದ ಬಳಿಕ ದಾಖಲೆಯ ಪ್ರಮಾಣದಲ್ಲಿ ಜನರು ಊಟಕ್ಕಾಗಿ ರೆಸ್ಟೋರೆಂಟ್​ಗಳಿಗೆ ಭೇಟಿ ನೀಡ್ತಿದ್ದಾರೆ. ಈಗ ಕಾರ್ಮಿಕರ ಕೊರತೆ ಬೇರೆ ಇರೋದ್ರಿಂದ ರೆಸ್ಟೋರೆಂಟ್​ಗಳು ಗ್ರಾಹಕರ ಬೇಡಿಕೆಗಳನ್ನ ಪೂರೈಸುವಲ್ಲಿ ಹೆಣಗಾಡುತ್ತಿವೆ.

ಯೆಲ್ಪ್​ ದತ್ತಾಂಶ ನೀಡಿರುವ ಮಾಹಿತಿಯ ಪ್ರಕಾರ ಮೇ ತಿಂಗಳೊಂದರಲ್ಲೇ 3.7 ಮಿಲಿಯನ್​ ಡಿನ್ನರ್​ ಸೀಟ್​ಗಳು ಇದರ ಅಪ್ಲಿಕೇಶನ್​ ಮೂಲಕ ಬುಕ್​ ಮಾಡಲಾಗಿದೆಯಂತೆ. ಇದು 2019ರ ಮೇ ತಿಂಗಳಿಗೆ ಹೋಲಿಕೆ ಮಾಡಿದರೆ 48 ಪ್ರತಿಶತಕ್ಕೂ ಅಧಿಕ ಆರ್ಡರ್​ ಆಗಿದೆ ಎಂದು ರೆಸ್ಟೋರೆಂಟ್​​ ಮಾಲೀಕ ಹೇಳಿದ್ದಾರೆ.

ಕೊರೊನಾ ಲಸಿಕೆಗಳನ್ನ ಪಡೆದ ಬಳಿಕ ಅಮೆರಿಕದಲ್ಲಿ ಜನತೆಗೆ ಮಾಸ್ಕ್​ ಸೇರಿದಂತೆ ಸಾಕಷ್ಟು ನಿರ್ಬಂಧಗಳಿಂದ ವಿನಾಯ್ತಿ ನೀಡಲಾಗ್ತಾ ಇದೆ. ಅಲ್ಲದೇ ಅಮೆರಿಕದಲ್ಲಿ ಹೊಸ ರೆಸ್ಟೋರೆಂಟ್​ ಗಳು ಹಾಗೂ ಆಹಾರ ಸಂಬಂಧಿ ಉದ್ಯಮಗಳು ಒಂದೊಂದೇ ಶುರುವಾಗ್ತಾ ಇದೆ.

ಮೇ ತಿಂಗಳೊಂದರಲ್ಲೇ ದೇಶದಲ್ಲಿ 6000ಕ್ಕೂ ಅಧಿಕ ರೆಸ್ಟೋರೆಂಟ್​ ಗಳು ಆರಂಭಗೊಂಡಿವೆ. ಏಪ್ರಿಲ್​ ತಿಂಗಳಲ್ಲಿ 16500 ರೆಸ್ಟೋರೆಂಟ್​​ ಗಳು ತಲೆ ಎತ್ತಿದ್ದವು. ಅದರಲ್ಲೂ ಪ್ರವಾಸಿ ತಾಣಗಳಲ್ಲಿ ಆಹಾರ ಸಂಬಂಧಿ ಉದ್ಯಮ ಹೆಚ್ಚಾಗುತ್ತಿದೆ ಎಂದು ಈ ಅಧ್ಯಯನ ಹೇಳಿದೆ.