35 ಸಾವಿರ ರೂ. ಬೆಲ್ಟ್‌ ಖರೀದಿಸಿದ ಪುತ್ರಿಗೆ ತಾಯಿಯಿಂದ ಕ್ಲಾಸ್​..! ನಗು ತರಿಸುತ್ತೆ ಈ ವಿಡಿಯೋ

ಈಗಿನ ಬ್ರ್ಯಾಂಡೆಡ್​ ಲೋಕಗಳು ಪೋಷಕರಿಗೆ ಅಷ್ಟೊಂದು ಹಿಡಿಸೋದಿಲ್ಲ. ಬ್ರ್ಯಾಂಡ್​ಗಳ ಹೆಸರಲ್ಲಿ ವ್ಯರ್ಥ ಖರ್ಚು ಅಂತಾನೇ ಹೆಚ್ಚಿನ ಪೋಷಕರು ಮಕ್ಕಳ ಮೇಲೆ ಅಸಮಾಧಾನ ವ್ಯಕ್ತಪಡಿಸ್ತಾರೆ. ಇದೀಗ ಇದೇ ಸಾಲಿಗೆ ವಿಡಿಯೋವೊಂದು ಸೇರಿದ್ದು ಇದರಲ್ಲಿ ದುಬಾರಿ ಬೆಲೆಯ ಬೆಲ್ಟ್​ ಖರೀದಿ ಮಾಡಿದ ಪುತ್ರಿಗೆ ತಾಯಿ ಚೆನ್ನಾಗೇ ಕ್ಲಾಸ್​ ತೆಗೆದುಕೊಂಡಿದ್ದಾರೆ.

ಗುಸ್ಸಿ ಕಂಪನಿಯ ಬೆಲ್ಟ್​ ಇದಾಗಿದ್ದು ಇದರ ಬೆಲೆ ಬರೋಬ್ಬರಿ 35 ಸಾವಿರ ರೂಪಾಯಿ ಆಗಿದೆ. ಇದನ್ನ ಚಬಿ ಗುಪ್ತಾ ಎಂಬವರು ಖರೀದಿ ಮಾಡಿದ್ದರು. ಈ ಬೆಲ್ಟ್​ನ ಬೆಲೆಯನ್ನ ತಿಳಿದ ತಾಯಿ ಅನಿತಾ ಗುಪ್ತಾ, ಇದು ಶಾಲಾ ಮಕ್ಕಳ ಸಮವಸ್ತ್ರದ ಬೆಲ್ಟ್​ನಂತಿದೆ ಎಂದು ಗೇಲಿ ಮಾಡಿದ್ದಾರೆ .

ಈ ಫನ್ನಿ ಕ್ಷಣವನ್ನ ಚಬಿ ಗುಪ್ತಾ ಇನ್​ಸ್ಟಾಗ್ರಾಂನಲ್ಲಿ ಶೇರ್​​ ಮಾಡಿದ್ದು, ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್​ ಆಗಿದೆ.

ಗುಸ್ಸಿ ಲೋಗೋವನ್ನ ಹೊಂದಿದ್ದ ಕೆಂಪು ಹಾಗೂ ಹಸಿರು ಬಣ್ಣದ ಬೆಲ್ಟ್​ ಇದಾಗಿದೆ. ಈ ಬೆಲ್ಟ್​ನ ಬೆಲೆ ಎಷ್ಟು ಎಂದು ತಾಯಿ ಕೇಳಿದ್ದಾರೆ. ಇದಕ್ಕೆ ಚಬಿ ಇದರ ಬೆಲೆ 35 ಸಾವಿರ ರೂಪಾಯಿ ಆಗಿದೆ ಎಂದು ಹೇಳಿದ್ದಾರೆ.

ಇದಕ್ಕೆ ಆಶ್ಚರ್ಯವ್ಯಕ್ತಪಡಿಸಿದ ಅನಿತಾ ಗುಪ್ತಾ, ಏನು ಈ ಬೆಲ್ಟ್​ಗೆ 35 ಸಾವಿರ ರೂಪಾಯಿ ಕೊಟ್ಟು ಖರೀದಿ ಮಾಡಿದ್ಯಾ.. ? ಅಂತಾ ವಿಶೇಷತೆ ಈ ಬೆಲ್ಟ್​ನಲ್ಲಿ ಏನಿದೆ..? ಅಲ್ಲದೇ ಇದೇನಿದು ಜಿಜಿ..? ಇದು 150 ರೂಪಾಯಿ ಕೊಟ್ಟು ಖರೀದಿ ಮಾಡಿದ ಬೆಲ್ಟ್​ನಂತಿದೆ. ಬೇರೆ ಕಡೆ ಎಲ್ಲಾದರೂ ಪ್ರಯತ್ನ ಪಟ್ಟಿದ್ದರೆ ನೀನಿದನ್ನ 150 ರೂಪಾಯಿಗೆ ಖರೀದಿ ಮಾಡಬಹುದಿತ್ತು ಎಂದು ಹೇಳಿದ್ದಾರೆ.

ತಾಯಿಯ ಈ ಮಾತುಗಳನ್ನ ಕೇಳಿ ಚಬಿ ಬಿದ್ದು ಬಿದ್ದು ನಗುತ್ತಿದ್ದರೆ ತಾಯಿ ಅನಿತಾ, ಖಾಲಿ ಕೈಯಲ್ಲಿ ಹಣ ಇದ್ದರೆ ಅದು ವ್ಯರ್ಥವಾಗುತ್ತೆ ಎಂದು ಹೇಳಿದ್ದಾರೆ.

https://www.instagram.com/tv/CQCHH_ag69e/?utm_source=ig_web_copy_link