ಕೇಂದ್ರಿಯ ವಿದ್ಯಾಲಯದ 1 ನೇ ತರಗತಿ ಪ್ರವೇಶ ಕುರಿತು ಇಲ್ಲಿದೆ ಮಹತ್ವದ ಮಾಹಿತಿ

ಕೇಂದ್ರೀಯ ವಿದ್ಯಾಲಯ ಸಂಘಟನೆಯು 1ನೇ ತರಗತಿಯ ಪ್ರವೇಶಾತಿಗೆ ಪರಿಷ್ಕೃತ ವೇಳಾಪಟ್ಟಿಯನ್ನ ಬಿಡುಗಡೆ ಮಾಡಿದೆ. 1ನೇ ತರಗತಿ ಪ್ರವೇಶಕ್ಕಾಗಿ ತಾತ್ಕಾಲಿಕ ಆಯ್ಕೆಯ ಪಟ್ಟಿಯು ಜೂನ್​ 23ರಂದು ಬಿಡುಗಡೆಯಾಗಲಿದೆ. ವಿದ್ಯಾರ್ಥಿಗಳು ಪೋಷಕರು kvsangathan.nic.in ನಲ್ಲಿ ಪರಿಷ್ಕೃತ ವೇಳಾಪಟ್ಟಿಯನ್ನ ಪರಿಶೀಲಿಸಬಹುದಾಗಿದೆ.

ಈ ಹಿಂದೆ ಏಪ್ರಿಲ್​ ತಿಂಗಳಲ್ಲಿ ಪ್ರವೇಶಾತಿಗೆ ಆಯ್ಕೆ ಪಟ್ಟಿ ಹೊರಡಿಸಲಾಗಿತ್ತು. ಆದರೆ ಕೊರೊನಾದಿಂದಾಗಿ ಇದು ಮುಂದೂಡಿಕೆಯಾಗಿತ್ತು. ಇದೀಗ ಹೊಸ ವೇಳಾಪಟ್ಟಿಯನ್ನ ಜೂನ್​ 23ರಂದು ಬಿಡುಗಡೆ ಮಾಡೋದಾಗಿ ಕೇಂದ್ರೀಯ ವಿದ್ಯಾಲಯ ಹೇಳಿದೆ.

ಕೇಂದ್ರೀಯ ವಿದ್ಯಾಲಯ ಸಂಘಟನೆಯು ಬಿಡುಗಡೆ ಮಾಡುವ ಪಟ್ಟಿಯಲ್ಲಿ ಪ್ರಕಟವಾದ ಹೆಸರು ಇರುವ ವಿದ್ಯಾರ್ಥಿಗಳು ಸೀಟನ್ನ ಕಾಯ್ದಿರಿಸಬಹುದಾಗಿದೆ. ಆಸನಗಳನ್ನ ಕಾಯ್ದಿರಿಸಲು ಪೋಷಕರು ದಾಖಲೆಗಳನ್ನ ಸಲ್ಲಿಸಿ ಶುಲ್ಕವನ್ನ ಪಾವತಿ ಮಾಡಬೇಕಾಗುತ್ತದೆ.

ಕೆವಿಎಸ್​ ದಾಖಲಾತಿಗಾಗಿ ಬೇಕಾಗುವ ದಾಖಲೆಗಳು :

– ಮಗುವಿನ ಜನನ ಪ್ರಮಾಣ ಪತ್ರದ ಸ್ಕ್ಯಾನ್​ ಕಾಪಿ

– ದಾಖಲೆ ಹೊಂದಲಿರುವ ಮಗುವಿನ ಭಾವಚಿತ್ರ

-ಪೋಷಕರು ಆರ್ಥಿಕವಾಗಿ ದುರ್ಬಲರಾಗಿದ್ದರೆ ಆದಾಯ ಪ್ರಮಾಣ ಪತ್ರ

ಜೂನ್​ 23ರಂದು ಪ್ರಕಟವಾಗುವ ಪಟ್ಟಿಯಲ್ಲಿ ನಿಮ್ಮ ಮಗುವಿನ ಹೆಸರು ಕಾಣಿಸದೇ ಇದ್ದಲ್ಲಿ ನೀವು ಎರಡನೆ ಆಯ್ಕೆ ಪಟ್ಟಿ ಬಿಡುಗಡೆ ಮಾಡುವವರೆಗೂ ಕಾಯಬೇಕಾಗುತ್ತದೆ.

ಕೇಂದ್ರೀಯ ವಿದ್ಯಾಲಯಗಳಲ್ಲಿ 1ನೇ ತರಗತಿಗೆ ಒಟ್ಟು 1247 ಸೀಟುಗಳು ಇವೆ. ಇದರಲ್ಲಿ 15 ಪ್ರತಿಶತ ಸೀಟುಗಳು ಎಸ್​ಸಿ, 7.5 ಪ್ರತಿಶತ ಎಸ್​ಟಿ, 27 ಪ್ರತಿಶತ ಓಬಿಸಿ ಹಾಗೂ 15 ಪ್ರತಿಶತ ಸೀಟು ಆರ್​ಟಿಇಗೆ ಮೀಸಲಿಡಲಾಗಿದೆ.