ಸೀರೆಯುಟ್ಟು ಕುದುರೆ ಸವಾರಿ ಮಾಡಿದ ಯುವತಿ: ವಿಡಿಯೋ ವೈರಲ್

ಒಡಿಶಾದ ಜಹಾಲ್ ಗ್ರಾಮದ ಯುವತಿಯೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಸೆನ್ಸೇಷನ್ ಆಗಿದ್ದಾರೆ.

ರಾಜ್ಯದ ಜಾಜ್ಪುರ ಜಿಲ್ಲೆಯ ಮೊನಾಲಿಸಾ ಭದ್ರಾ ಹೆಸರಿನ ಈ ಯುವತಿ ಸೀರೆಯುಟ್ಟುಕೊಂಡು ಕುದುರೆ ಸವಾರಿ ಮಾಡುವುದರೊಂದಿಗೆ ಬುಲೆಟ್ ಬೈಕನ್ನೂ ಸಹ ರೈಡ್‌ ಮಾಡಬಲ್ಲವರಾಗಿದ್ದಾರೆ. ಇದರೊಂದಿಗೆ ಲಾರಿ ಓಡಿಸುವುದಲ್ಲದೇ, ಟ್ರಾಕ್ಟರ್‌‌ನಲ್ಲಿ ಉಳುಮೆ ಕೆಲಸವನ್ನೂ ಮಾಡುವ ಮೂಲಕ ನೆಟ್ಟಿಗರ ಹುಬ್ಬೇರಿಸಿದ್ದಾರೆ.

ಯೂಟ್ಯೂಬ್ ಸ್ಟಾರ್‌ ಆಗಿರುವ ಮೊನಾಲಿಸಾಗೆ ಸಾವಿರಾರು ಹಿಂಬಾಲಕರಿದ್ದಾರೆ. ಮೇಲ್ಕಂಡ ಸಾಹಸಗಳನ್ನೆಲ್ಲಾ ಮಾಡುತ್ತಾ ತಮ್ಮದೇ ವಿಡಿಯೋಗಳನ್ನು ಯೂಟ್ಯೂಬ್‌ನಲ್ಲಿ ಅಪ್ಲೋಡ್ ಮಾಡುತ್ತಾರೆ ಮೊನಾಲಿಸಾ.

ಮೇ 2016ರಲ್ಲಿ ಸೃಷ್ಟಿಯಾದ ಇವರ ಚಾನೆಲ್ಲಿಗೆ ಸದ್ಯದ ಮಟ್ಟಿಗೆ 2.26 ದಶಲಕ್ಷ ಚಂದಾದಾರರಿದ್ದಾರೆ.