ಅಮೆರಿಕದ ಸ್ಟಾರ್ಟಪ್ ಕಂಪನಿಯಾದ ಮೆರ್ಲಿನ್ ಲ್ಯಾಬ್ಸ್ ವಿಮಾನಯಾನದಲ್ಲಿ ಹೊಸ ಬಗೆಯ ಸಾಫ್ಟ್ವೇರ್ ಒಂದನ್ನ ಅಭಿವೃದ್ಧಿಪಡಿಸಿದೆ. ಪೈಲಟ್ ಸಹಾಯವಿಲ್ಲದ ಸಣ್ಣ ವಿಮಾನ ಹಾರಾಡುವಂತೆ ಮಾಡಲು ಇದು ಯೋಜನೆಯನ್ನ ರೂಪಿಸಿದೆ. ಈ ಯೋಜನೆಯು ಮುಂದಿನ ದಿನಗಳಲ್ಲಿ ವಾಣಿಜ್ಯ ವಿಮಾನ ವಿಭಾಗದಲ್ಲಿ ಹೊಸ ಕ್ರಾಂತಿಯನ್ನ ಹುಟ್ಟು ಹಾಕುವ ಸಾಧ್ಯತೆ ಇದೆ ಎಂದರೆ ತಪ್ಪಾಗಲಿಕ್ಕಿಲ್ಲ.
ಮೆರ್ಲಿನ್ ಲ್ಯಾಬ್ ಡೈನಾಮಿಕ್ ಏವಿಯೆಷನ್ ಜೊತೆ ಒಪ್ಪಂದ ಮಾಡಿಕೊಂಡಿದ್ದು, ಇನ್ನೂ ಹೆಸರಿಡದ ಏರ್ಕ್ರಾಫ್ಟ್ ತಂತ್ರಜ್ಞಾನವನ್ನ ಅಭಿವೃದ್ಧಿ ಮಾಡುತ್ತಿದೆ.
ಈ ಪೈಲಟ್ ಇಲ್ಲದ ವಿಮಾನವು ಸಂಪೂರ್ಣ ಡಿಜಿಟಲೀಕರಣ ರೂಪದಲ್ಲಿ ಕಾರ್ಯನಿರ್ವಹಿಸಲಿದೆ. ಡೈನಾಮಿಕ್ ಏವಿಯೇಷನ್ ಜೊತೆ ಮಾಡಿಕೊಂಡ ಒಪ್ಪಂದದ ಪ್ರಕಾರ ಈ ಸ್ಟಾರ್ಟಪ್ ಕಂಪನಿಯು ತನ್ನ ಸ್ವಾಯತ್ತ ಹಾರಾಟ ತಂತ್ರಜ್ಞಾನವನ್ನ ಬೀಚ್ಕ್ರಾಫ್ಟ್ ಕಿಂಗ್ ವಿಮಾನಗಳಿಗೆ ಪೂರೈಸಲಿದೆ. ಕ್ಯಾಲಿರ್ಫೋನಿಯಾದ ಮೊಜಾವೆ ಏರ್ ಹಾಗೂ ಸ್ಪೇಸ್ ಪೋರ್ಟ್ ಮೂಲಕ ಮೆರ್ಲಿನ್ ಲ್ಯಾಬ್ಸ್ ಈಗಾಗಲೇ ಪರೀಕ್ಷಾ ಹಾರಾಟ ನಡೆಸುತ್ತಿದೆ.
ಈ ಸಂಪೂರ್ಣ ರಿಮೋಟ್ ಕಂಟ್ರೋಲ್ ಮೂಲಕವೇ ವಿಮಾನ ಹಾರಾಟ ನಡೆಸುವ ತಂತ್ರಜ್ಞಾನ ಇದಾಗಿದೆ. ಈ ರಿಮೋಟ್ ಕಂಟ್ರೋಲ್ ಮಾಡುವವರೇ ವಿಮಾನದ ಮೇಲ್ವಿಚಾರಣೆ ಹಾಗೂ ಹಾರಾಟದ ಜವಾಬ್ದಾರಿಯನ್ನ ಹೊಂದಿರುತ್ತಾರೆ ಎಂದು ಕಂಪನಿ ಹೇಳಿದೆ.
Loading ...