ಕೇಂದ್ರ ಸರ್ಕಾರವು ಶಿಕ್ಷಕರ ಅರ್ಹತಾ ಪರೀಕ್ಷೆಯ ಪ್ರಮಾಣಪತ್ರದ ಅವಧಿಯನ್ನ ವಿಸ್ತರಿಸಲು ನಿರ್ಧರಿಸಿದೆ ಎಂದು ಕೇಂದ್ರ ಶಿಕ್ಷಣ ಸಚಿವ ರಮೇಶ್ ಪೋಖ್ರಿಯಲ್ ‘ನಿಶಾಂಕ್’ ಹೇಳಿದ್ದಾರೆ .
ಈ ಹಿಂದೆ ಶಿಕ್ಷಕರ ಅರ್ಹತಾ ಪರೀಕ್ಷೆ ಪ್ರಮಾಣ ಪತ್ರದ ಸಿಂಧುತ್ವ 7 ವರ್ಷಗಳವರೆಗೆ ಇತ್ತು. ಈ ಹೊಸ ನಿಯಮದ ಬಳಿಕ 2011ರ ನಂತರದ ಪ್ರಮಾಣ ಪತ್ರಗಳು ಜೀವಿತಾವಧಿಯವರೆಗೂ ಸಿಂಧುತ್ವ ಪಡೆದಿರುತ್ತವೆ.
ಶಿಕ್ಷಕರ ಅರ್ಹತಾ ಪರೀಕ್ಷೆಯ ಪ್ರಮಾಣ ಪತ್ರದ ಸಿಂಧುತ್ವವನ್ನ ವಿಸ್ತರಿಸುವ ಬಗ್ಗೆ ಎನ್ಸಿಟಿಇ ಕಳೆದ ವರ್ಷ ಸೆಪ್ಟೆಂಬರ್ನಲ್ಲೇ ಚರ್ಚೆ ನಡೆಸಿತ್ತು. ಇದೀಗ ಕೇಂದ್ರ ಶಿಕ್ಷಣ ಸಚಿವಾಲಯ ಇದಕ್ಕೆ ಹಸಿರು ನಿಶಾನೆ ತೋರಿದ ಬಳಿಕ ಈ ಘೋಷಣೆಯನ್ನ ಮಾಡಲಾಗಿದೆ.
ಶಿಕ್ಷಣ ಕ್ಷೇತ್ರದಲ್ಲಿ ಭವಿಷ್ಯವನ್ನ ರೂಪಿಸಿಕೊಳ್ಳಲು ಇಚ್ಚಿಸುವವರಿಗೆ ಇದು ಖಂಡಿತವಾಗಿಯೂ ಲಾಭಕಾರಿಯಾದ ಸುದ್ದಿಯಾಗಿದೆ ಎಂದು ರಮೇಶ್ ಪೋಖ್ರಿಯಲ್ ಹೇಳಿದ್ದಾರೆ.
ಅಲ್ಲದೇ ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶದ ಶಿಕ್ಷಣ ಇಲಾಖೆಗಳು ಈಗಾಗಲೇ 7 ವರ್ಷ ಅವಧಿಯನ್ನ ಪೂರೈಸಿರುವ ಪ್ರಮಾಣ ಪತ್ರಗಳನ್ನ ನವೀಕರಣ ಮಾಡಲು ಸೂಕ್ತ ಕ್ರಮವನ್ನ ಕೈಗೊಳ್ಳಿ ಎಂದು ಪೋಖ್ರಿಯಲ್ ಹೇಳಿದ್ದಾರೆ.
Loading ...