ಬೆಕ್ಕಿನ ಮರಿಯಿಂದಾಗಿ ಇಡೀ ನಗರದಲ್ಲಿ ಪವರ್​ ಕಟ್​..!

ಬ್ರಿಟನ್​​​ನ ಸಣ್ಣ ಪಟ್ಟಣವೊಂದರ ಜನತೆ ಭಾನುವಾರ ವಿಚಿತ್ರ ಕಾರಣಕ್ಕಾಗಿ ಪವರ್​ ಕಟ್​ ಸಮಸ್ಯೆ ಎದುರಿಸಿದ್ರು. ಅಂದಹಾಗೆ ಇಡೀ ಊರಿಗೆ ಊರೇ ವಿದ್ಯುತ್​ ವ್ಯತ್ಯಯದ ಸಮಸ್ಯೆಯನ್ನ ಎದುರಿಸೋಕೆ ಕಾರಣ ಬೆಕ್ಕಿನ ಮರಿ..!

ವಿದ್ಯುತ್​ ಕಂಬವನ್ನ ಏರಿ ಕಂಬದ ತುತ್ತ ತುದಿಯಲ್ಲಿ ಕೂತಿದ್ದ ಬೆಕ್ಕಿನ ಮರಿಯನ್ನ ಕಾಪಾಡುವ ಸಲುವಾಗಿ ಅಗ್ನಿಶಾಮಕ ದಳ ಸಿಬ್ಬಂದಿ ಪವರ್​ ಕಟ್​ ಮಾಡಿದ್ರು.

1 ವರ್ಷದ ಗ್ರೈಫಿಂಡೋರ್​ ಎಂಬ ಹೆಸರಿನ ಬೆಕ್ಕಿನ ಮರಿ ಸುಮಾರು 8-10 ಗಂಟೆಗಳ ಕಾಲ ಇದೇ ರೀತಿ ಕಂಬದ ಮೇಲೆ ಕುಳಿತುಕೊಂಡಿದೆ.

ಇದನ್ನ ಬೆಕ್ಕಿನ ಮಾಲೀಕನ ಪುತ್ರ ನೋಡಿದ್ದಾರೆ. ಇದಾದ ಬಳಿಕ ಅಗ್ನಿಶಾಮಕದಳ ಸಿಬ್ಬಂದಿಗೆ ಸಹಾಯಕ್ಕಾಗಿ ಕರೆ ಮಾಡಲಾಗಿದೆ. ಕೂಡಲೇ ಸ್ಥಳಕ್ಕಾಗಮಿಸಿದ ಅಗ್ನಿಶಾಮಕ ದಳ ಸಿಬ್ಬಂದಿ ಐದು ನಿಮಿಷಗಳ ಕಾಲ ವಿದ್ಯುತ್​ ಸಂಚಾರ ಸ್ಥಗಿತಗೊಳಿಸಿ ಬೆಕ್ಕಿನ ಮರಿಯನ್ನ ಸುರಕ್ಷಿತವಾಗಿ ಕೆಳಗಿಳಿಸಿದ್ದಾರೆ.