ದಂಗಾಗಿಸುವಂತಿದೆ ಈ ವಜ್ರದುಂಗುರದ ಬೆಲೆ….!

ಅತ್ಯಂತ ವಿರಳವಾದ ಗುಲಾಬಿ ಬಣ್ಣದ 15.81 ಕ್ಯಾರಟ್​ನ ವಜ್ರವು ಹಾಂ​ಕಾಂಗ್​ನಲ್ಲಿ ಬರೋಬ್ಬರಿ 29.3 ಮಿಲಿಯನ್​ ಡಾಲರ್​ ಮೌಲ್ಯಕ್ಕೆ ಸೇಲ್​ ಆಗಿದೆ. ಇದು ವಿಶ್ವ ದಾಖಲೆಯ ಹರಾಜು ಬೆಲೆಯಾಗಿದೆ ಎಂದು ತಿಳಿದುಬಂದಿದೆ. ನೇರಳೆ ಗುಲಾಬಿ ಬಣ್ಣದ ಈ ವಜ್ರದ ಹೆಸರು ದಿ ಸಕುರಾ ಎಂದಾಗಿದೆ. ಇದು ಜಪಾನ್​ನ ಚೆರ್ರಿ ಹೂವು ಎಂಬರ್ಥವನ್ನ ಹೊಂದಿದೆ.

ಈ ಅತ್ಯಂತ ವಿರಳವಾದ ವಜ್ರವನ್ನ ಪ್ಲಾಟಿನಂ ಉಂಗುರಕ್ಕೆ ಜೋಡಿಸಲಾಗಿದೆ. ಈ ವಿಶೇಷವಾದ ಉಂಗುರವನ್ನ ಯಾರು ಖರೀದಿ ಮಾಡಿದ್ದಾರೆ ಅನ್ನೋದ್ರ ಬಗ್ಗೆ ಸ್ಪಷ್ಟ ಮಾಹಿತಿ ಲಭ್ಯವಾಗಿಲ್ಲ. ಆದರೆ ಈ ಉಂಗುರವನ್ನ ಏಷಿಯಾದ ಖಾಸಗಿ ಖರೀದಿದಾರರು ಕೊಂಡುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.

ಸಕುರಾದ ಜೊತೆಯಲ್ಲಿ ಹೃದಾಯಾಕಾರದ ಸ್ವೀಟ್​ ಹಾರ್ಟ್​ ಎಂಬ ಹೆಸರಿನ 4.2 ಕ್ಯಾರಟ್​ ವಜ್ರವನ್ನ 6.6 ಮಿಲಿಯನ್​ ಡಾಲರ್​​ಗೆ ಖರೀದಿ ಮಾಡಲಾಗಿದೆ.