ಕಳೆದ ನಾಲ್ಕು ದಶಕಗಳಿಂದ ಅಂಧನಾಗಿ ಜೀವನ ನಡೆಸುತ್ತಿದ್ದ 58 ವರ್ಷದ ವ್ಯಕ್ತಿಯೊಬ್ಬ ಲೈಟ್ ಆಕ್ಟಿವೆಟೇಡ್ ಥೆರಪಿ ಮೂಲಕ ತಮ್ಮ ಒಂದು ಕಣ್ಣಿನಲ್ಲಿ ಭಾಗಶಃ ದೃಷ್ಟಿಯನ್ನ ವಾಪಸ್ ಪಡೆದಿದ್ದಾರೆ.
ಸುಮಾರು 40 ವರ್ಷಗಳ ಹಿಂದೆ ರೋಗಿಗೆ ನ್ಯೂರೋ ಡಿಜೆನೆರೆಟಿವ್ ಕಣ್ಣಿನ ಕಾಯಿಲೆ ಬಂದಿತ್ತು. ಇದು ರೆಟಿನಾದ ಮೇಲೆ ಪರಿಣಾಮ ಬೀರೋದ್ರಿಂದ ದೃಷ್ಟಿಯನ್ನ ಕಳೆದುಕೊಂಡಿದ್ದರು.
ಆದರೆ ಇದೀಗ ಲೈಟ್ ಆಕ್ಟಿವೆಟೇಡ್ ಚಿಕಿತ್ಸೆ ಮೂಲಕ ಒಂದು ಕಣ್ಣಿನಲ್ಲಿ ಭಾಗಶಃ ದೃಷ್ಟಿಯನ್ನ ವಾಪಸ್ ಪಡೆದಿದ್ದಾರೆ. ವಿಶೇಷ ಕನ್ನಡಕವನ್ನ ಧರಿಸಿದ ಬಳಿಕ ಇದೀಗ ಕೆಲ ಬಣ್ಣಗಳನ್ನ ಗುರುತಿಸುವ ಸಾಮರ್ಥ್ಯ ಪಡೆದಿದ್ದಾರೆ.
ರೆಟಿನೈಟಿಸ್ ಪಿಗ್ಮೆಂಟೋಸಾ ಅಥವಾ ಆರ್ಪಿ ಎಂಬುದು ಸಾಮಾನ್ಯ ಕಣ್ಣಿನ ಕಾಯಿಲೆಯಾಗಿದೆ. ಇದರಿಂದ ಬ್ರಿಟನ್ನ 4000ಕ್ಕೂ ಹೆಚ್ಚು ಮಂದಿ ಬಳಲುತ್ತಿದ್ದಾರೆ. ಆರ್ಪಿ ಕಾಯಿಲೆಗೆ ಈ ಥೆರಪಿಯು ಮಾನ್ಯತೆ ಪಡೆದಿದ್ದಲ್ಲ.
ಈ ಥೆರಪಿಯನ್ನ ಪಡೆಯುವ ಮುನ್ನ ರೋಗಿಗೂ ಕೆಲ ತರಬೇತಿಗಳನ್ನ ನೀಡಲಾಗುತ್ತೆ. ಸಾಕಷ್ಟು ತಿಂಗಳುಗಳ ತರಬೇತಿಯ ಬಳಿಕ ಈ ವ್ಯಕ್ತಿಯಲ್ಲಿ ಸಕಾರಾತ್ಮಕ ಫಲಿತಾಂಶ ಲಭ್ಯವಾಗಿದೆ.
Loading ...