ಅದೃಷ್ಟ ಅನ್ನೋದು ಯಾವಾಗ ಯಾವ ಸಂದರ್ಭದಲ್ಲಿ ಯಾರ ಕೈ ಹಿಡಿಯುತ್ತೆ ಅಂತಾ ಹೇಳೋಕೆ ಆಗಲ್ಲ. ಆದರೆ ಸದ್ಯಕ್ಕೆ ಅಮೆರಿಕದ ಹೆನ್ರಿ ಎಂಬವರನ್ನ ಅದೃಷ್ಟವಂತ ವ್ಯಕ್ತಿ ಎಂದು ಹೇಳಿದ್ರೆ ತಪ್ಪಾಗಲಿಕ್ಕಿಲ್ಲ.
ಹೆನ್ರಿ ತಮ್ಮ ಕಾರಿನಲ್ಲಿ ಚಾಲಕನ ಸೀಟಿನಲ್ಲಿ ಕೂತು ಕಾರು ಚಲಾಯಿಸುತ್ತಿದ್ದಾಗಲೇ ಬೃಹತಾಕಾರದ ಮರವೊಂದು ಅವರ ಕಾರಿನ ಮೇಲೆಯೇ ಬಿದ್ದಿದೆ. ಇಷ್ಟೊಂದು ದೈತ್ಯಾಕಾರದ ಮರ ಕಾರಿನ ಮೇಲೆ ಬಿದ್ದರೂ ಸಹ 37 ವರ್ಷದ ಹೆನ್ರಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆದ ಫೋಟೋಗಳಲ್ಲಿ ಹೆನ್ರಿ ಸನ್ರೂಫ್ನಿಂದ ಹೊರ ಬಂದು ಕಾರನ್ನ ನೋಡ್ತಿರೋದನ್ನ ನೀವು ಕಾಣಬಹುದಾಗಿದೆ.
ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ವೇಳೆ ಏನೋ ಬೃಹದಾಕಾರದ ವಸ್ತು ಕಾರಿನ ಮೇಲೆ ಬಿದ್ದಿದ್ದು ಹೆನ್ರಿ ಗಮನಕ್ಕೆ ಬಂದಿದೆ. ದೈತ್ಯ ಕೊಂಬೆಗಳು ಕಾರಿನ ಮುಂಬದಿ ಗಾಜಿನ ಮೇಲೆಯೇ ಬಿದ್ದಿದೆ. ಮರ ಬೀಳೋದು ಕೇವಲ ಒಂದು ಸೆಕೆಂಡ್ ತಡವಾಗಿದ್ದರೂ ಸಹ ಹೆನ್ರಿ ಪ್ರಾಣಕ್ಕೆ ಕುತ್ತು ಬರುವಂತಹ ಅಪಾಯವಿತ್ತು.
ಇಷ್ಟು ಮಾತ್ರವಲ್ಲದೇ ಈ ವ್ಯಕ್ತಿಯ ಕಾರಿದ್ದ ಜಾಗದಿಂದ ಸ್ಪಲ್ಪ ದೂರದಲ್ಲೇ ವಿದ್ಯುತ್ ತಂತಿ ಕೂಡ ಶಾರ್ಟ್ ಸರ್ಕ್ಯೂಟ್ ಆಗಿದೆ, ಕೂಡಲೇ ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕದಳ ಸಿಬ್ಬಂದಿ ಹೆನ್ರಿಯನ್ನ ಕಾರಿನಿಂದ ಹೊರತೆಗೆದಿದ್ದಾರೆ.
Loading ...