BIG NEWS: ಕೊರೋನಾ ಲಸಿಕೆ ಇಂಜೆಕ್ಷನ್ ಗೆ ಭಯಪಡುವವರಿಗೆ ಗುಡ್ ನ್ಯೂಸ್, ಮಾರುಕಟ್ಟೆಗೆ ಬರಲಿದೆ ಕೋವಿಡ್ ಮಾತ್ರೆ

ಕೋವಿಡ್​ 19 ಆಂಟಿ ಓರಲ್​ ಮಾತ್ರೆಯು ಸದ್ಯ ಪ್ರಾಯೋಗಿಕ ಪರೀಕ್ಷೆಯ ಪ್ರಾಥಮಿಕ ಹಂತದಲ್ಲಿದ್ದು ವರ್ಷಾಂತ್ಯದಲ್ಲಿ ಸಾರ್ವಜನಿಕ ಬಳಕೆಗೆ ಲಭ್ಯವಾಗಲಿದೆ ಎಂದು ಅಮೆರಿಕ ಮೂಲಕದ ಲಸಿಕೆ ತಯಾರಕ ಕಂಪನಿ ಫೈಜರ್​​ ಸಿಇಒ ಆಲ್ಬರ್ಟ್​ ಬೌರ್ಲಾ ಹೇಳಿದ್ದಾರೆ.

ಜರ್ಮನಿಯ ಬಯೋಟೆಕ್​ ಜೊತೆ ಸೇರಿ ಮೊದಲ ಕೋವಿಡ್​ 19 ಲಸಿಕೆಯನ್ನ ತಯಾರಿಸಿದ್ದ ಈ ಕಂಪನಿಯು ಮಾರ್ಚ್​ನಿಂದ ಕೋವಿಡ್​ 19 ಮಾತ್ರೆಯ ತಯಾರಿಯಲ್ಲಿ ಬ್ಯುಸಿಯಾಗಿದೆ. ಪ್ರಾಯೋಗಿಕ ಪರೀಕ್ಷೆಗಳು ಒಳ್ಳೆ ರೀತಿಯಲ್ಲಿ ನಡೆದು ಎಲ್ಲಾ ಹಂತಗಳಲ್ಲೂ ಈ ಮಾತ್ರೆಯು ಯಶಸ್ಸನ್ನು ಸಾಧಿಸಿದ್ರೆ ವರ್ಷಾಂತ್ಯದಲ್ಲಿ ಅಮೆರಿಕದಲ್ಲಿ ಜನ ಬಳಕೆಗೆ ಲಭ್ಯವಾಗಲಿದೆ ಎಂದು ಕಂಪನಿ ಹೇಳಿದೆ.

ಕಳೆದ ತಿಂಗಳು ಈ ಪ್ರತಿಷ್ಟಿತ ಲಸಿಕೆ ತಯಾರಕ ಕಂಪನಿಯು ತಮ್ಮ ಕೋವಿಡ್​ ಲಸಿಕೆಯನ್ನು 12 ರಿಂದ 15 ವರ್ಷದವರಿಗೂ ನೀಡಲು ಅನುಮತಿ ನೀಡುವಂತೆ ಕೋರಿ ಅಮೆರಿಕ ಆಹಾರ ಹಾಗೂ ಡ್ರಗ್​ ಅಡ್ಮಿನಿಸ್ಟ್ರೇಷನ್​ಗೆ ಮನವಿ ಮಾಡಿತ್ತು.

ಫೈಜರ್ ಕಂಪನಿಯು 6 ತಿಂಗಳಿನಿಂದ 11 ವರ್ಷದ ಮಕ್ಕಳಿಗಾಗಿಯೂ ಲಸಿಕೆಯನ್ನ ಸಿದ್ಧಪಡಿಸುತ್ತಿದೆ.