ಕಾಡು ದಾರಿಯಲ್ಲಿ ಏಕಾಏಕಿ ಎದುರಾಯ್ತು ಜಿರಾಫೆ..! ಮುಂದೆನಾಯ್ತು ನೋಡಿ

ಕಾಡು ಮೇಡುಗಳಲ್ಲಿ ಅಲೆಯೋದು ಅಂದರೆ ಸುಲಭದ ಮಾತಲ್ಲ. ಯಾವ ಕ್ಷಣದಲ್ಲಿ ಯಾವ ಪ್ರಾಣಿ ಬೇಕಿದ್ದರೂ ನಿಮ್ಮೆದುರು ಬಂದು ನಿಲ್ಲಬಹುದು. ಇದೇ ರೀತಿ ದಕ್ಷಿಣ ಆಫ್ರಿಕಾದ ಕಾಡೊಂದರಲ್ಲಿ ಸೈಕಲ್​ ಮೇಲೆ ತೆರಳುತ್ತಿದ್ದ ವ್ಯಕ್ತಿಯ ಎದುರು ಜಿರಾಫೆಯೊಂದು ಪ್ರತ್ಯಕ್ಷವಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ರೌಂಡ್ಸ್ ಹೊಡೀತಿದೆ.

ಸೈಕ್ಲಿಸ್ಟ್ ಎದುರು ಬಂದು ನಿಲ್ಲುವ ಜಿರಾಫೆ ಆತ ಧರಿಸಿದ್ದ ಹೆಲ್ಮೆಟ್​ನ್ನು ಮೂಸುತ್ತದೆ. ಸೈಕ್ಲಿಸ್ಟ್​ ಸಾವಕಾಶವಾಗಿ ಹಿಂದಿಂದೆ ಹೆಜ್ಜೆ ಹಾಕುತ್ತಾನೆ. ಆದರೆ ಜಿರಾಫೆ ಕೂಡ ಮುಂದೆ ಮುಂದೆ ಬರಲು ಆರಂಭಿಸುತ್ತೆ. ಹಾಗೂ ಆತನ ಹೆಲ್ಮೆಟ್​ನ್ನು ಮೂಸಿದ ಜಿರಾಫೆ ಬಳಿಕ ಆತನ ಹೆಗಲ ಮೇಲೆ ತಲೆ ಇಡುತ್ತೆ. ಜಿರಾಫೆ ಕಣ್ಣೆದುರಿಗೇ ಇದ್ದರೂ ಸೈಕ್ಲಿಸ್ಟ್​ ಹೆದರಿದಂತೆ ಕಂಡು ಬಂದಿಲ್ಲ. ಸೈಕ್ಲಿಸ್ಟ್ ಜೊತೆ ಇದ್ದ ಸ್ನೇಹಿತ ಈ ಸುಂದರ ಕ್ಷಣವನ್ನ ಕ್ಯಾಮರಾದಲ್ಲಿ ಸೆರೆ ಹಿಡಿದಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ನಮಗೂ ಈ ಚಾನ್ಸ್ ಸಿಗಬೇಕಿತ್ತು ಅಂತಿದಾರೆ.

https://www.instagram.com/p/CODnhJLJyxk/?utm_source=ig_web_copy_link