ಪಾರ್ಕಿಂಗ್ ಮಾಡಲು ಅವಕಾಶ ಇಲ್ಲದ ಕಡೆ ವಾಹನ ನಿಲ್ಲಿಸಿದಾಗ ಸಹಜವಾಗಿ ಪೊಲೀಸರು ಅನಾಮತ್ತಾಗಿ ವಾಹನವನ್ನು ಟೋ ಮಾಡುವುದು ನಗರ ಪ್ರದೇಶದಲ್ಲಿ ಸರ್ವೇ ಸಾಮಾನ್ಯ.
ಇಲ್ಲೊಂದು ಪ್ರಕರಣದಲ್ಲಿ ಪೊಲೀಸರು ನಿಯಮ ಉಲ್ಲಂಘಿಸಿದ ಪ್ರಕರಣದ ವಾಹನವನ್ನು ಟೋ ಮಾಡುವಾಗ ವ್ಯಕ್ತಿಯೊಬ್ಬ ಪೊಲೀಸರ ಟೋ ವಾಹನ ಏರಿ ತನ್ನ ವಾಹನ ಬಿಟ್ಟುಬಿಡುವಂತೆ ಅಂಗಲಾಚುವ ವಿಡಿಯೋ ವೈರಲ್ ಆಗಿದೆ.
ಘಟನೆ ಎಲ್ಲಿ ನಡೆಯಿತು ಎಂಬುದು ಸ್ಪಷ್ಟವಾಗಿ ತಿಳಿದಿಲ್ಲ, ಆದರೆ ಇಡೀ ಘಟನೆಯಲ್ಲಿ ಪೋಲೀಸ್‌ರ ನಡವಳಿಕೆ ಸಾಮಾಜಿಕ ಜಾಲತಾಣದಲ್ಲಿ ಜನರ ಗಮನವನ್ನು ಖಂಡಿತವಾಗಿಯೂ ಸೆಳೆದಿದೆ.
ಇಲ್ಲಿದೆ 20 ಸಾವಿರ ರೂ. ಒಳಗೆ ಲಭ್ಯವಿರುವ ಬೆಸ್ಟ್‌ ಸ್ಮಾರ್ಟ್‌ ಪೋನ್‌ ಗಳ ಪಟ್ಟಿ
ವಿಡಿಯೋ ಕ್ಲಿಪ್‌ನಲ್ಲಿ ಇರುವಂತೆ, ನೀವು ವಾಹನ ಟೋ ಮಾಡಿದರೆ ನನ್ನ ರೋಗಿಯು ಸಾಯುತ್ತಾನೆ, ಬಿಟ್ಟುಬಿಡಿ ಎಂದು ವ್ಯಕ್ತಿಯೊಬ್ಬ ಹಿಂದಿಯಲ್ಲಿ ಪೊಲೀಸರಲ್ಲಿ ಅಂಗಲಾಚುವುದನ್ನು ನೋಡಬಹುದಾಗಿದೆ.
ಇದಕ್ಕೆ ಪ್ರತಿಕ್ರಿಯೆಯಾಗಿ ಪೊಲೀಸ್ ಸಿಬ್ಬಂದಿ ಆ ವ್ಯಕ್ತಿಯೊಂದಿಗೆ ವಾಗ್ವಾದ ಮಾಡುತ್ತಾನೆ ಮತ್ತು ಟೋ ವಾಹನ ಏರಿ ನಿಂತಿದ್ದ ಆತನನ್ನು ಕೆಳಗೆ ಇಳಿಯುವಂತೆ ತಾಕೀತು ಮಾಡುತ್ತಾನೆ.
Loading ...