ರೋಗಿಯೊಬ್ಬರ ದೇಹದಿಂದ ಕೊಬ್ಬನ್ನ ತೆಗೆದ ಬಳಿಕ ಅದನ್ನ ಹಿಡಿದುಕೊಂಡು ನೃತ್ಯ ಮಾಡುತ್ತಾ ಟಿಕ್ಟಾಕ್ನಲ್ಲಿ ವಿಡಿಯೋ ಶೇರ್ ಮಾಡಿದ್ದ ಬ್ರೆಜಿಲ್ ವೈದ್ಯೆಯ ಪರವಾನಿಗೆಯನ್ನ ರದ್ದು ಮಾಡಲಾಗಿದೆ. ಪ್ಲಾಸ್ಟಿಕ್ ಸರ್ಜನ್ ಆಗಿದ್ದ ಕ್ಯಾರೆನ್ ಟ್ರಿಸಾಗ್ಲಿಯೋ ಗಾರ್ಸಿಯಾ ಎಂಬವರು ಕೊಬ್ಬನ್ನ ಹಿಡಿದು ವಿಡಿಯೋ ಮಾಡಲು ಹೋಗಿ ಲೈಸೆನ್ಸ್ನ್ನೇ ಕಳೆದುಕೊಂಡಿದ್ದಾರೆ.
ಈ ವಿಡಿಯೋದಲ್ಲಿ ಸರ್ಜನ್ ಹಾಡೊಂದಕ್ಕೆ ನೃತ್ಯ ಮಾಡುವ ವೇಳೆಯಲ್ಲಿ ಕೈಯಲ್ಲಿ ಈ ಮಾಂಸ ಹಿಡಿದುಕೊಂಡಿದ್ದಾರೆ. ಶೀರ್ಷಿಕೆಯಲ್ಲಿ ಈಕೆ ಇದು ಸ್ತನ ಎಂದು ಹೇಳಿದ್ದಾರೆ. ಬಳಿಕ ಇನ್ನೊಂದು ಬ್ಯಾಗ್ನ್ನು ತೋರಿಸುತ್ತಾ ಇದು ಅಂಡರ್ ಆರ್ಮ್ ಕೊಬ್ಬು ಎಂದು ಬರೆದಿದ್ದಾರೆ.
ಮತ್ತೊಂದು ವಿಡಿಯೋದಲ್ಲಿ ಕ್ಯಾರೆನ್ ಮಾನವನ ದೇಹದ ಕೊಬ್ಬು ಹಾಗೂ ಚರ್ಮವನ್ನ ಹಿಡಿದು ಇಂದಿನ ಪ್ರಶಸ್ತಿ ಎಂದು ಹೇಳುತ್ತಾರೆ. ಈ ವಿಡಿಯೋ 11 ಮಿಲಿಯನ್ಗಿಂತಲೂ ಹೆಚ್ಚು ಲೈಕ್ಸ್ ಸಂಪಾದಿಸಿದೆ. ಸ್ಥಳೀಯ ಮೆಡಿಕಲ್ ಬೋರ್ಡ್ ಈ ವೈದ್ಯೆಯ ಪರವಾನಿಗೆಯನ್ನ ರದ್ದು ಮಾಡಿದೆ. ಅಲ್ಲದೇ ಈ ಸಂಬಂಧ ವಿಚಾರಣೆಗೆ ಆದೇಶ ನೀಡಿದೆ.
Loading ...