ಬೆಚ್ಚಿಬೀಳಿಸುವಂತಿದೆ ಮಿ. ಬೀಸ್ಟ್‌ ನೀಡಿರುವ ಹೊಸ ‌ʼಚಾಲೆಂಜ್ʼ

ಮಿಸ್ಟರ್​ ಬೀಸ್ಟ್​ ಎಂದೇ ಪ್ರಖ್ಯಾತಿಯನ್ನ ಸಂಪಾದಿಸಿರುವ ಜಿಮ್ಮಿ ಡೋನಾಲ್ಡ್​ಸನ್​​ ಯುಟ್ಯೂಬ್​ ಚಾನೆಲ್​​ನಲ್ಲಿ ವಿಚಿತ್ರ ಸಾಹಸಗಳ ಮೂಲಕವೇ ಹೆಸರುವಾಸಿಯಾಗಿದ್ದಾರೆ. ಇದರಲ್ಲಿ ಕೆಲ ಸ್ಟಂಟ್​ಗಳು ಸ್ಪೂರ್ತಿದಾಯಕ ಎನಿಸಿದ್ರೆ ಇನ್ನು ಕೆಲವು ಭಾರೀ ಭಯಾನಕವಾಗಿ ಇರುತ್ತವೆ.

ಈ ವಿಡಿಯೋಗಳು ವೀಕ್ಷಕರ ಎದೆ ಝಲ್ ಎನಿಸುವಂತೆ ಇದ್ದರೂ ಸಹ ಕಡಿಮೆ ಅಂದ್ರುನೂ 30 ಮಿಲಿಯನ್​​ ವೀವ್ಸ್​ನ್ನು ಸಂಪಾದಿಸಿಬಿಡುತ್ತೆ. ಕೆಲವೊಂದು ವಿಡಿಯೋಗಳಂತೂ 100 ಮಿಲಿಯನ್​ಗೂ ಅಧಿಕ ವೀವ್ಸ್ ಸಂಪಾದಿಸಿವೆ.

ಡೀಲರ್​ಶಿಪ್​​ನಲ್ಲಿ ಕಾರುಗಳನ್ನ ಖರೀದಿಸಿದ್ದಾರೆ. ಶ್ವಾನಗಳಿಗೆ ಆಶ್ರಯ ನೀಡಿದ್ದಾರೆ. ಅಪರಿಚಿತರಿಗೆ ಧನಸಹಾಯ ಮಾಡಿದ್ದಾರೆ. 20 ಮಿಲಿಯನ್​ಗೂ ಅಧಿಕ ಮರಗಳನ್ನ ಪೋಷಿಸಿದ್ದಾರೆ. ಹೀಗೆ ಸಾಕಷ್ಟು ಕೆಲಸಗಳನ್ನ ಮಿಸ್ಟರ್​ ಬೀಸ್ಟ್ ಮಾಡಿದ್ದಾರೆ.

ಕೆಲ ಸಮಯದ ಹಿಂದಷ್ಟೇ ತಮ್ಮನ್ನ ತಾವು ಬರೋಬ್ಬರಿ 50 ಗಂಟೆಗಳ ಕಾಲ ಜೀವಂತ ಸಮಾಧಿ ಮಾಡಿಕೊಂಡಿದ್ದರು. 57 ಮಿಲಿಯನ್​ ಯುಟ್ಯೂಬ್​ ಅಭಿಮಾನಿಗಳಿಗಾಗಿ ಬೀಸ್ಟ್​ 2 ದಿನಗಳ ಕಾಲ ಸಮಾಧಿಯಲ್ಲಿರುವ ಸಾಹಸ ಮಾಡಿದ್ದರು.

ಅವರ ಇತ್ತೀಚಿನ ವಿಡಿಯೋ ಕೂಡ ನಿಮಗೆ ಭಯಾನಕ ಎನಿಸಿದ್ರೂ ಸಹ ಇದರಲ್ಲಿ ತಮ್ಮ ಫಾಲೋವರ್ಸ್​ಗೆ ನಗದು ಬಹುಮಾನವನ್ನ ಘೋಷಿಸಿದ್ದಾರೆ. ಡೊನಾಲ್ಡ್​ಸನ್​ ತಮ್ಮ ಸ್ನೇಹಿತರು, ಸಹೋದ್ಯೋಗಿಗಳು ಹಾಗೂ ಫಾಲೋವರ್ಸ್​ಗೆ ಈ ಕ್ರೇಜಿ ಚಾಲೆಂಜ್​ನ್ನು ನೀಡಿದ್ದಾರೆ. ಇದರನ್ವಯ ನೀವು ಹಾವುಗಳಿಂದಲೇ ತುಂಬಿದ ಬಾತ್​ಟಬ್​​ನಲ್ಲಿ 30 ಸೆಕೆಂಡ್​ಗಳ ಕಾಲ ಇರಬೇಕು.

7.5 ಲಕ್ಷ ರೂಪಾಯಿ ನಗದನ್ನ ಜಿರಳೆಗಳು ತುಂಬಿದ ಬಾಕ್ಸ್​ನಲ್ಲಿ ಇಡಲಾಗಿದ್ದು ಇದಕ್ಕೆ ಕೈ ಹಾಕುವ ಮುನ್ನ ಹಾವಿನ ಜೊತೆಗಿನ ಚಾಲೆಂಜ್​ನ್ನು ಗೆಲ್ಲಬೇಕು. ಈ ಟಾಸ್ಕ್​​ ಪೂರ್ತಿ ಮಾಡಿದ ಬಳಿಕ ದೊಡ್ಡ ದೊಡ್ಡ ಜಿರಳೆಗಳ ಮಧ್ಯೆ ಕೈ ಹಾಕಿ ಹಣವನ್ನ ತೆಗೆದುಕೊಳ್ಳಬೇಕು. ಈ ವಿಡಿಯೋ ಈಗಾಗಲೇ 30 ಮಿಲಿಯನ್​ಗೂ ಅಧಿಕ ವೀವ್ಸ್ ಸಂಪಾದಿಸಿದೆ.