ಬೇಸಿಗೆ ಕಾಲವಂತೂ ಶುರುವಾಗಿಬಿಟ್ಟಿದೆ. ಈ ಕಾಲದಲ್ಲಿ ನೀವು ತಿನ್ನುವ ಹಾಗೂ ಕುಡಿಯುವ ಪದಾರ್ಥಗಳಲ್ಲಿ ಮಾಡುವ ಚಿಕ್ಕ ಅಜಾಗರೂಕತೆಯೂ ನಿಮ್ಮ ಆರೋಗ್ಯದ ಮೇಲೆ ಬಹು ಬೇಗನೆ ಪರಿಣಾಮ ಬೀರಬಲ್ಲುದು. ಬೇಸಿಗೆಯಲ್ಲಿ ಆದಷ್ಟು ಹೆಚ್ಚು ನೀರಿನ ಅಂಶವನ್ನ ಹೊಂದಿರುವ ಪದಾರ್ಥಗಳನ್ನೇ ಸೇವನೆ ಮಾಡಬೇಕು. ಇದರಿಂದ ನಿಮ್ಮ ದೇಹ ಹೈಡ್ರೇಟ್ ಆಗಿರೋದ್ರ ಜೊತೆಗೆ ನಿಮ್ಮ ತೂಕ ಕೂಡ ಕಂಟ್ರೋಲ್ನಲ್ಲಿ ಇರುತ್ತೆ.
ಕಲ್ಲಂಗಡಿ ಹಣ್ಣು : ಬೇಸಿಗೆಯಲ್ಲಿ ಕಲ್ಲಂಗಡಿ ಹಣ್ಣಿನ ಸೇವನೆ ತುಂಬಾನೇ ಒಳ್ಳೆಯದು. ಇದರಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ನೀರಿನ ಅಂಶವಿದೆ. ಇದರಲ್ಲಿ ಕ್ಯಾಲೋರಿ ಅಂಶ ಕೂಡ ಕಡಿಮೆ ಇರೋದ್ರಿಂದ ತೂಕ ಇಳಿಕೆ ಮಾಡೋರಿಗೆ ಹೆಚ್ಚು ಉಪಯುಕ್ತ.
ಕರಬೂಜ ಹಣ್ಣು : ಕರಬೂಜ ಹಣ್ಣಿನಲ್ಲೂ ನೀರಿನ ಅಂಶ ಹೆಚ್ಚು ಹಾಗೂ ಕೊಬ್ಬಿನ ಅಂಶ ತುಂಬಾನೇ ಕಡಿಮೆ ಇರುತ್ತೆ. ನೀವು ತೂಕ ಇಳಿಕೆ ಮಾಡುವ ಪ್ರಯತ್ನದಲ್ಲಿದ್ದರೆ ನಿಮ್ಮ ಡಯಟ್ ಲಿಸ್ಟ್ನಲ್ಲಿ ಕರಬೂಜವನ್ನ ಸೇರಿಸಿಕೊಳ್ಳೋಕೆ ಮರೆಯದಿರಿ. ಇದರಲ್ಲಿ ವಿಟಾಮಿನ್ ಎ, ಸಿ ಹಾಗೂ ಬಿ 6 ಅಂಶವಿದೆ. ಇದು ಮಾತ್ರವಲ್ಲದೇ ಮೆಗ್ನೀಷಿಯಂ ಹಾಗೂ ಫೈಬರ್ ಅಂಶ ಕೂಡ ಇದೆ.
ಅನಾನಸ್ ಹಣ್ಣು : ಅನಾನಸ್ನಲ್ಲೂ ಕ್ಯಾಲರಿ ಅಂಶ ತುಂಬಾನೇ ಕಡಿಮೆ ಇರುತ್ತೆ. ಹಾಗೂ ಫೈಬರ್ ಮತ್ತು ವಿಟಾಮಿನ್ ಸಿ ಅಂಶ ಅಗಾಧ ಪ್ರಮಾಣದಲ್ಲಿರುತ್ತೆ. ಇದು ನಿಮ್ಮ ಹೊಟ್ಟೆಯಲ್ಲಿನ ಕೊಬ್ಬನ್ನ ಕರಗಿಸೋಕೆ ತುಂಬಾನೇ ಒಳ್ಳೆಯದು. ಜೀರ್ಣಶಕ್ತಿ ಹೆಚ್ಚಿಸುವ ಕಾರ್ಯವನ್ನೂ ಅನಾನಸ್ ಮಾಡುತ್ತೆ.
Loading ...