50 ಗಂಟೆಗಳ ಕಾಲ ಜೀವಂತ ಸಮಾಧಿಯಾದ ಯುಟ್ಯೂಬರ್​..! ವಿಡಿಯೋ ವೈರಲ್​​

ಮಿಸ್ಟರ್​ ಬೀಸ್ಟ್​ ಎಂದೇ ಖ್ಯಾತಿ ಪಡೆದಿರುವ ಯುಟ್ಯೂಬರ್​​ ಜಿಮ್ಮಿ ಡೊನಾಲ್ಡ್​ಸನ್​ ತಮ್ಮ ಸಾಹಸಮಯ ವಿಡಿಯೋಗಳ ಮೂಲಕ ಫುಲ್​ ಫೇಮಸ್​​ ಆಗಿದ್ದಾರೆ.

ಈ ವ್ಯಕ್ತಿ ಮಾಡುವ ಕೆಲ ಸಾಹಸಗಳಂತೂ ಜೀವಕ್ಕೆ ಅಪಾಯ ತರುವಂತಿದ್ದರೂ ಸಹ ಕಡಿಮೆ ಅಂದರೂ 30 ಮಿಲಿಯನ್​ ವೀವ್ಸ್ ಪಡೆಯುವಲ್ಲಿ ಯಶಸ್ವಿಯಾಗಿದೆ. ಕೆಲವೊಂದು 100 ಮಿಲಿಯನ್​ಗಟ್ಟಲೇ ವೀವ್ಸ್ ಸಂಪಾದಿಸುತ್ತವೆ.

ಕೆಲ ಸಮಯದ ಹಿಂದಷ್ಟೇ ಈತ ಅಮೆರಿಕದ ನಗರವೊಂದರಲ್ಲಿ ಮಿಸ್ಟರ್​ ಬೀಸ್ಟ್​ ಬರ್ಗರ್ಸ್​ ಎಂಬ ಫಾಸ್ಟ್​ ಫುಡ್​ ರೆಸ್ಟಾರೆಂಟ್​ ತೆರೆದಿದ್ದರು. ತನ್ನ ರೆಸ್ಟಾರೆಂಟ್​ಗೆ ಗ್ರಾಹಕರನ್ನ ಸೆಳೆಯುವ ಸಲುವಾಗಿ ಜನರಿಗೆ ಹಣ, ಐಪ್ಯಾಡ್​ ಹಾಗೂ ಏರ್​ಪೋಡ್ಸ್ ನೀಡುವ ಮೂಲಕ ಸುದ್ದಿಯಾಗಿದ್ದರು.

ಹದಿಹರೆಯದವರು ಸೈಬರ್​ ವಂಚನೆಗೆ ಒಳಗಾಗುವ ಅಪಾಯ ಹೆಚ್ಚು: ಅಧ್ಯಯನ

ಇದೀಗ ಈ ವ್ಯಕ್ತಿ ಯುಟ್ಯೂಬ್​ನಲ್ಲಿ ಶೇರ್​ ಮಾಡಿದ ಸಾಹಸಮಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ 51 ಮಿಲಿಯನ್​ಗೂ ಅಧಿಕ ವೀವ್ಸ್ ಸಂಪಾದಿಸಿದೆ. ಬರೋಬ್ಬರಿ 50 ಗಂಟೆಗಳ ಕಾಲ ಜೀವಂತ ಸಮಾಧಿಯಾಗುವ ಮೂಲಕ ಜಿಮ್ಮಿ ಸಾಹಸ ಮಾಡಿದ್ದಾರೆ.

ಬರೋಬ್ಬರಿ 2 ದಿನಗಳ ಕಾಲ ಜಿಮ್ಮಿ ಸಮಾಧಿಯೊಳಗೆ ಇದ್ದು ಎದ್ದು ಬರುವಲ್ಲಿ ಯಶಸ್ವಿಯಾಗಿದ್ದಾರೆ. ಸಮಾಧಿಯ ಒಳಗಡೆ ಕ್ಯಾಮರಾ ಇಡಲಾಗಿದ್ದು ವಿಡಿಯೋ ಚಿತ್ರೀಕರಿಸಿದೆ. ಸಮಾಧಿಯಿಂದ ಹೊರಬಂದ ಬಳಿಕ ಜಿಮ್ಮಿ ತಾನು ಪಟ್ಟ ಕಷ್ಟವನ್ನ ಎಳೆ ಎಳೆಯಾಗಿ ವಿವರಿಸಿದ್ದಾನೆ.