ಮುಕೇಶ್ ಅಂಬಾನಿ ಬೆಂಗಾವಲು ಪಡೆ ಬಳಿಯಿದೆ 10 ಕೋಟಿ ರೂ. ಮೌಲ್ಯದ ಕಾರುಗಳು

ದೇಶದ ಅತ್ಯಂತ ಶ್ರೀಮಂತ ವ್ಯಕ್ತಿ ಮುಕೇಶ್ ಅಂಬಾನಿ. ಮನೆಯಲ್ಲಿ ಐಷಾರಾಮಿ ಕಾರುಗಳಿವೆ ಎಂಬುದನ್ನು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ಮುಕೇಶ್ ಅಂಬಾನಿ ಕುಟುಂಬಕ್ಕೆ ಝೆಡ್ ಪ್ಲಸ್ ಭದ್ರತೆಯಿದೆ. ಮುಖೇಶ್ ಅಂಬಾನಿ ಹಾಗೂ ಕುಟುಂಬಸ್ಥರ ಜೊತೆ ಬೆಂಗಾವಲು ಪಡೆಯಿರುತ್ತದೆ. ಬೆಂಗಾವಲು ಪಡೆ ಬಳಸುವ ಕಾರು ಕೂಡ ಗಮನ ಸೆಳೆಯುತ್ತದೆ.

ಬೆಂಗಾವಲು ಪಡೆಗೆ ದುಬಾರಿ ಬೆಲೆಯ ಎಸ್ಯುವಿ ಕಾರುಗಳನ್ನು ನೀಡಲಾಗಿದೆ. ಇತ್ತೀಚಿಗೆ ಮರ್ಸಿಡಿಸ್ ಬೆಂಜ್ ಜಿ 63 ಎಎಂಜಿಯಲ್ಲಿ ಅಂಬಾನಿ ಬೆಂಗಾವಲು ಪಡೆ ಪ್ರಯಾಣಿಸಿರುವುದು ಕಂಡು ಬಂದಿದೆ. ಅಂಬಾನಿ ಬೆಂಗಾವಲು ಪಡೆ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುವುದು ಹೊಸತೇನಲ್ಲ. ಹೊಸ ವಿಡಿಯೋದಲ್ಲಿ ನಾಲ್ಕು ಮರ್ಸಿಡಿಸ್ ಬೆಂಜ್ ಜಿ 63 ಎಎಂಜಿ ಕಾಣಿಸಿಕೊಂಡಿದೆ. ಪ್ರತಿ ಜಿ 63 ಎಎಂಜಿಯ ಬೆಲೆ 2.5 ಕೋಟಿ ರೂಪಾಯಿಗಿಂತ ಹೆಚ್ಚಿದೆ. ಅಂದ್ರೆ ಒಟ್ಟೂ ಇದ್ರ ಬೆಲೆ 10 ಕೋಟಿಗಿಂತ ಹೆಚ್ಚು.

ಈ ಹಿಂದೆ ಅಂಬಾನಿ ಬೆಂಗಾವಲು ಪಡೆ ಲ್ಯಾಂಡ್ ರೋವರ್ ರೇಂಜ್ ರೋವರ್ ವೋಗ್ ಬಳಸಿತ್ತು. ಜಿ 63 ಎಎಂಜಿ ಆಗಮನದ ಮೊದಲು ಇದು ಭಾರತೀಯ ಮಾರುಕಟ್ಟೆಗಳಲ್ಲಿ ಲಭ್ಯವಿರುವ ಅತ್ಯಂತ ದುಬಾರಿ ಎಸ್ಯುವಿಯಾಗಿತ್ತು. ಅಂಬಾನಿ ಹಾಗೂ ಅವರ ಕುಟುಂಬಕ್ಕೆ ಆಗಾಗ ಬೆದರಿಕೆ ಕರೆಗಳು ಬರುತ್ತಿರುತ್ತವೆ. ಹಾಗಾಗಿ ಕುಟುಂಬ ಸದಸ್ಯರು ಗುಂಡು ನಿರೋಧಕ ಕಾರುಗಳನ್ನು ಬಳಸುತ್ತಾರೆ.