ದೇಶದ ಪ್ರತಿಷ್ಟಿತ ಬ್ಯಾಂಕ್ ಎಸ್ಬಿಐ ತನ್ನ ಗ್ರಾಹಕರಿಗೆ ಡೆಬಿಟ್ ಕಾರ್ಡ್ ಕಳೆದುಕೊಂಡಲ್ಲಿ ಅದನ್ನ ಬ್ಲಾಕ್ ಮಾಡುವ ಕೆಲಸವನ್ನ ಫೋನ್ ಕಾಲ್ ಹಾಗೂ ಎಸ್ಎಂಎಸ್ ಮೂಲಕವೇ ಮಾಡುವ ಸೌಲಭ್ಯವನ್ನ ಒದಗಿಸಿದೆ. ಡೆಬಿಟ್ ಕಾರ್ಡ್ ಕಳೆದು ಹೋದಲ್ಲಿ ಇಲ್ಲವೇ ಕಳುವಾದಲ್ಲಿ ಕಾರ್ಡ್ನ್ನ ದುರ್ಬಳಕೆ ಮಾಡಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತೆ. ಹೀಗಾಗಿ ಗ್ರಾಹಕರು ಆದಷ್ಟು ಬೇಗ ತಮ್ಮ ಕಾರ್ಡ್ಗಳನ್ನ ಬ್ಲಾಕ್ ಮಾಡಬೇಕು.
ಹೀಗಾಗಿ ನೀವು ನಿಮ್ಮ ಎಸ್ಬಿಐ ಡೆಬಿಟ್ ಕಾರ್ಡ್ನ್ನು ಕಳೆದುಕೊಂಡ ಕೂಡಲೇ ಮೆಸೇಜ್ ಇಲ್ಲವೇ ಫೋನ್ ಕಾಲ್ ಮೂಲಕ ಕಾರ್ಡ್ನ್ನು ಬ್ಲಾಕ್ ಮಾಡಬಹುದು. ಇದಕ್ಕಾಗಿ ನೀವು ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ BLOCK ಎಂದು ಟೈಪ್ ಮಾಡಿ ಬಳಿಕ ನಿಮ್ಮ ಕಾರ್ಡ್ನ ಕೊನೆಯ ನಾಲ್ಕು ಸಂಖ್ಯೆಯನ್ನ ನಮೂದಿಸಿ 567676ಗೆ ಎಸ್ಎಂಎಸ್ ಮಾಡಿ. ನಿಮ್ಮ ಬ್ಲಾಕ್ ಆಯ್ಕೆ ಯಶಸ್ವಿಯಾಗುತ್ತಿದ್ದಂತೆಯೇ ಬ್ಯಾಂಕ್ನಿಂದ ನಿಮಗೆ ದೃಢೀಕರಣ ಮೆಸೇಜ್ ಬರಲಿದೆ.
ಫೋನ್ ಕಾಲ್ ಮೂಲಕವೂ ಕಾರ್ಡ್ನ್ನು ಬ್ಲಾಕ್ ಮಾಡಬಹುದಾಗಿದೆ. ಎಸ್ಬಿಐ ಸಹಾಯವಾಣಿ ಸಂಖ್ಯೆ 18004253800 or 1800112211ಗೆ ಕರೆ ಮಾಡಿ ಕಾರ್ಡ್ನ್ನು ಬ್ಲಾಕ್ ಮಾಡಬಹುದು.
ಉದ್ಯೋಗಾಕಾಂಕ್ಷಿಗಳಿಗೆ ಗುಡ್ ನ್ಯೂಸ್: ಅತಿಥಿ ಉಪನ್ಯಾಸಕರ ನೇಮಕಕ್ಕೆ ಗ್ರೀನ್ ಸಿಗ್ನಲ್
ಫೋನ್ ಕಾಲ್ ಮೂಲಕ ಎಸ್ಬಿಐ ಕಾರ್ಡ್ ಬ್ಲಾಕ್ ಮಾಡೋದು ಹೇಗೆ :
1800 112 211 ಸಂಖ್ಯೆಗೆ ಕರೆ ಮಾಡಿ
ಎಸ್ಬಿಐ ಕಾರ್ಡ್ ಬ್ಲಾಕ್ ಮಾಡಲು 2ನ್ನು ಒತ್ತಿ
ನಿಮ್ಮ ಬ್ಯಾಂಕ್ ಖಾತೆಯ ಕೊನೆಯ 5 ಸಂಖ್ಯೆಯನ್ನ ನಮೂದಿಸಿ
ಕಾರ್ಡ್ ಬ್ಲಾಕ್ ಆಗಿರೋದ್ರ ಬಗ್ಗೆ ಎಸ್ಎಂಎಸ್ ಮೂಲಕ ಎಸ್ಬಿಐ ಮಾಹಿತಿ ನೀಡಲಿದೆ.
ಹೊಸ ಡೆಬಿಟ್ ಕಾರ್ಡ್ ಪಡೆಯಲು ಈ ಮಾರ್ಗಗಳನ್ನ ಬಳಸಿ:
ವೆಬ್ಸೈಟ್: sbicard.com ಗೆ ಲಾಗಿನ್ ಆಗಿ ನೀವು ಹೊಸ ಕಾರ್ಡ್ಗೆ ಮನವಿ ಸಲ್ಲಿಸಬಹುದಾಗಿದೆ. ರಿಕ್ವೆಸ್ಟ್ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ ಬಳಿಕ ರಿ ಇಶ್ಯೂ / ರಿಪ್ಲೇಸ್ ಕಾರ್ಡ್ ಸೆಲೆಕ್ಟ್ ಮಾಡಿ. ಕಾರ್ಡ್ ನಂಬರ್ನ್ನು ಆಯ್ಕೆ ಮಾಡಿ ಸಬ್ಮಿಟ್ ಕೊಡಿ.
ಮೊಬೈಲ್ ಅಪ್ಲಿಕೇಶನ್: ಎಸ್ಬಿಐ ಮೊಬೈಲ್ ಅಪ್ಲಿಕೇಶನ್ ಅಲ್ಲಿ ಲಾಗಿನ್ ಆಗಿ ಮೆನು ಟ್ಯಾಬ್ನಲ್ಲಿ ಸರ್ವೀಸ್ ರಿಕ್ವೆಸ್ಟ್ ಆಯ್ಕೆ ಮೇಲೆ ಕ್ಲಿಕ್ ಮಾಡಿ. ಇಲ್ಲಿ ರಿ ಇಶ್ಯೂ / ರಿಪ್ಲೇಸ್ ಕಾರ್ಡ್ ಆಯ್ಕೆ ಮಾಡಿ. ಕಾರ್ಡ್ ನಂಬರ್ ಆಯ್ಕೆ ಮಾಡಿ ಸಬ್ಮಿಟ್ ಕೊಡಿ.
ಇ ಮೇಲ್ : sbicard.com/email ಗೆ ಅಧಿಕೃತ ಮೇಲ್ ಬರೆಯಬಹುದು.
ಸಹಾಯವಾಣಿ :1800 425 3800 ಸಂಖ್ಯೆಗೆ ಕರೆ ಮಾಡಿ.
ಹೊಸ ಕಾರ್ಡ್ಗಾಗಿ ನೀವು 100 ರೂಪಾಯಿ ಹಾಗೂ ಕೆಲ ತೆರಿಗೆ ಮೊತ್ತವನ್ನ ಪಾವತಿ ಮಾಡಬೇಕು. ಹೊಸ ಕಾರ್ಡ್ಗೆ ವಿನಂತಿ ಸಲ್ಲಿಸಿದ 7 ದಿನಗಳಲ್ಲಿ ನಿಮ್ಮ ಕೈ ಸೇರಲಿದೆ.
Loading ...