ಕೊರೊನಾ ಕಾಲದಲ್ಲೂ ಗೌತಮ್​ ಅದಾನಿ ಸಂಪತ್ತು ಏರಿಕೆ: ರಾಹುಲ್​ ಗಾಂಧಿ ಆಕ್ರೋಶ

ಉದ್ಯಮಿ ಗೌತಮ್​ ಅದಾನಿ ತಮ್ಮ ಸಂಪತ್ತನ್ನ 50 ಪ್ರತಿಶತ ಏರಿಕೆ ಮಾಡಿಕೊಂಡ ವಿಚಾರವಾಗಿ ವಯ್ನಾಡ್​ ಸಂಸದ ಹಾಗೂ ಎಐಸಿಸಿ ಮಾಜಿ ಅಧ್ಯಕ್ಷ ರಾಹುಲ್​ ಗಾಂಧಿ ಕಿಡಿಕಾರಿದ್ದಾರೆ.

2020ರಲ್ಲಿ ನಿಮ್ಮೆಲ್ಲರ ಆಸ್ತಿ ಎಷ್ಟು ಹೆಚ್ಚಾಗಿದೆ..? ನೀವೆಲ್ಲ ಬದುಕೋಕೂ ಕಷ್ಟ ಪಡ್ತಾ ಇದ್ದರೆ ಗೌತಮ್​ ಅದಾನಿ ಮಾತ್ರ 12 ಲಕ್ಷ ಕೋಟಿ ಸಂಪಾದಿಸಿದ್ದಾರೆ. ಇದು ಯಾಕೆ ಎಂದು ಹೇಳೋಕೆ ಸಾಧ್ಯವಾ ಎಂದು ರಾಹುಲ್​ ಗಾಂಧಿ ಪ್ರಶ್ನೆ ಮಾಡಿದ್ದಾರೆ.

ಬ್ಲೂಮ್​​ಬರ್ಗ್​ ಬಿಲಿಯನೇರ್​ ಇಂಡೆಕ್ಸ್ ಸೂಚ್ಯಂಕದ ಪ್ರಕಾರ, ಗೌತಮ್‌ ಅದಾನಿ ಆಸ್ತಿ 2021ರಲ್ಲಿ 16.2 ಬಿಲಿಯನ್​ ಡಾಲರ್​​ನಿಂದ 50 ಬಿಲಿಯನ್​ ಡಾಲರ್​ಗೆ ಏರಿಕೆ ಕಂಡಿದೆ. ಇದು 2021ರಲ್ಲಿ ವಿಶ್ವದಲ್ಲಿ ಯಾವುದೇ ಶ್ರೀಮಂತ ವ್ಯಕ್ತಿ ಮಾಡದ ಸಂಪತ್ತು ಕ್ರೋಢಿಕರಣವಾಗಿದೆ.