ತಪ್ಪು ತಿಳುವಳಿಕೆಯಿಂದ ಹೋಟೆಲ್​ ಸಿಬ್ಬಂದಿಯನ್ನ ತಬ್ಬಿಕೊಂಡ ಯುವತಿ..! ವೈರಲ್​ ಆಯ್ತು ವಿಡಿಯೋ

ಕೆಲವೊಮ್ಮೆ ಜೀವನದಲ್ಲಿ ಎಂಥಾ ವಿಚಿತ್ರ ಸನ್ನಿವೇಶಗಳು ಎದುರಾಗುತ್ತವೆ ಅಂದರೆ ನಿಮಗೆ ಅದನ್ನ ನೆನೆಸಿಕೊಂಡು ನಗಬೇಕೋ ಇಲ್ಲವೇ ಮುಜುಗರ ಪಡಬೇಕೋ ಅನ್ನೋದೇ ಅರ್ಥವಾಗೋದಿಲ್ಲ. ಇಂತಹದ್ದೇ ಒಂದು ಘಟನೆ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಎಲಿಜಿಬೆತ್​ ಎಂಬ ಹೆಸರಿನ ಟಿಕ್​ಟಾಕ್​ ಖಾತೆಯಲ್ಲಿ ಈ ವಿಡಿಯೋವನ್ನ ಶೇರ್​ ಮಾಡಲಾಗಿದೆ. ರೆಸ್ಟಾರೆಂಟ್​ ಒಂದರಲ್ಲಿ ಸ್ನೇಹಿತರ ಜೊತೆ ಹುಟ್ಟು ಹಬ್ಬವನ್ನ ಸಂಭ್ರಮಿಸೋಕೆ ತೆರಳಿದ್ದ ವೇಳೆ ಎಲೆಜಬೆತ್​ಗೆ ಈ ಅನುಭವ ಉಂಟಾಗಿದೆ.

ಆಕೆ ಎದ್ದು ನಿಂತ ವೇಳೆಯಲ್ಲಿ, ಅದೇ ಹೋಟೆಲ್​ನ ವೇಟರ್​​ ಆಕೆಯ ಕಡೆಗೆ ನಗೆ ಬೀರುತ್ತಾ ನಡೆದುಕೊಂಡು ಬರ್ತಾನೆ. ಆಕೆ ಬಹುಶಃ ಆತ ನನಗೆ ಜನ್ಮ ದಿನದ ಶುಭಾಶಯ ಹೇಳಲು ಬಂದಿರಬಹುದು ಎಂದು ಭಾವಿಸುತ್ತಾಳೆ. ಆಕೆ ಆತನನ್ನ ಆಲಂಗಿಸಿಕೊಳ್ತಾಳೆ. ಆದರೆ ಅವನು ಮಾತ್ರ ಅಲ್ಲೇ ಆಕೆಯ ಹಿಂಬದಿ ಟೇಬಲ್​ನಲ್ಲಿದ್ದ ಮೇಣದಬತ್ತಿಯನ್ನ ತೆಗೆದುಕೊಂಡು ಅಲ್ಲಿಂದ ಜಾಗ ಖಾಲಿ ಮಾಡುತ್ತಾನೆ. ಆಕೆಯ ಮುಜುಗರಕ್ಕೆ ಕಾರಣವಾದ ಈ ವಿಡಿಯೋ ಟಿಕ್​ಟಾಕ್​ನಲ್ಲಿ ಮಾತ್ರವಲ್ಲದೇ ಸಾಮಾಜಿಕ ಜಾಲತಾಣದ ಇತರೆ ವೇದಿಕೆಗಳಲ್ಲೂ ಸಖತ್​ ವೈರಲ್​ ಆಗಿದೆ.

https://youtu.be/BBBWvN1hkmc