ಮತ್ತೊಂದು ಹೊಸ ದಾಖಲೆಗೆ ಭಾಜನರಾಗಲಿದ್ದಾರೆ ವಿರಾಟ್‌ ಕೊಹ್ಲಿ

ಐಸಿಸಿ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​​ನಲ್ಲಿ ಇಂಗ್ಲೆಂಡ್​ ತಂಡದ ವಿರುದ್ಧ 3-1 ಅಂತರದಲ್ಲಿ ಸರಣಿ ಜಯ ಸಾಧಿಸಿರುವ ಟೀಂ ಇಂಡಿಯಾ ಸದ್ಯ ಗೆಲುವಿನ ಖುಷಿಯಲ್ಲಿ ತೇಲುತ್ತಿದೆ. ಕೋವಿಡ್​ 19 ಸಂಕಷ್ಟದ ಅವಧಿಯ ಬಳಿಕ ಕ್ರಿಕೆಟ್​ ಜರ್ನಿ ಆರಂಭವಾದಾಗಿನಿಂದ ಟೀಂ ಇಂಡಿಯಾ ಉತ್ತಮ ಪ್ರದರ್ಶನವನ್ನ ನೀಡುತ್ತಲೇ ಬಂದಿದೆ.

ಇದೀಗ ನಾಳೆಯಿಂದ ನಡೆಯಲಿರುವ ಇಂಗ್ಲೆಂಡ್ ವಿರುದ್ಧದ ಟಿ 20 ಸರಣಿ ವಿಜಯದ ಮೇಲೆ ಟೀಂ ಇಂಡಿಯಾ ಕಣ್ಣಿಟ್ಟಿದೆ. ಇಯಾನ್​ ಮಾರ್ಗನ್​​ ನೇತೃತ್ವದ ಟೀಂ ವಿರುದ್ಧ ಕೊಹ್ಲಿ ಪಡೆ ಒಟ್ಟು 5 ಟಿ 20 ಪಂದ್ಯಗಳನ್ನ ಆಡಲಿದೆ. ಎರಡೂ ತಂಡಗಳ ನಡುವಿನ ಮೊದಲ ಪಂದ್ಯ ಮೊಟೆರಾ ಸ್ಟೇಡಿಯಂನಲ್ಲಿ ನಡೆಯಲಿದೆ.

ಭಾರತದಲ್ಲಿ ಶೀಘ್ರದಲ್ಲೇ ಶುರುವಾಗಲಿದೆ ಐಫೋನ್ ಉತ್ಪಾದನಾ ಘಟಕ

ಟಿ 20 ಜರ್ನಿಯಲ್ಲಿ ಒಟ್ಟು 2928 ರನ್​ಗಳನ್ನ ಕಲೆ ಹಾಕಿರುವ ಟೀಂ ಇಂಡಿಯಾ ನಾಯಕ ವಿರಾಟ್​ ಕೊಹ್ಲಿ ಈ ಪಟ್ಟಿಯಲ್ಲಿ ವಿಶ್ವದಲ್ಲೇ ಮೊದಲ ಸ್ಥಾನದಲ್ಲಿದ್ದಾರೆ.

ಅಲ್ಲದೇ ಈ ಸರಣಿಯ ಮೂಲಕ ಟಿ 20 ಇತಿಹಾಸದಲ್ಲೇ ಮೊದಲ ಬಾರಿಗೆ 3000 ರನ್​ಗಳನ್ನ ಸೇರಿಸಿದ ವಿಶ್ವದ ಮೊದಲ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಲು ತಯಾರಿ ನಡೆಸಿದ್ದಾರೆ.

ಟಿ 20 ಕ್ರಿಕೆಟ್​​ನಲ್ಲಿ ಅತಿ ಹೆಚ್ಚು ರನ್​ ಕಲೆ ಹಾಕಿರುವ ವಿಶ್ವದ ಟಾಪ್​ 5 ಕ್ರಿಕೆಟಿಗರು
ವಿರಾಟ್​ ಕೊಹ್ಲಿ – 2,928
ರೋಹಿತ್​ ಶರ್ಮಾ – 2,839
ಮಾರ್ಟಿನ್​ ಗಪ್ಟಿಲ್​ – 2,346
ಶೋಯೆಬ್​ ಮಲ್ಲಿಕ್​ – 2,335

ನಾಳೆ ನಡೆಯಲಿರುವ ಮೊದಲ ಪಂದ್ಯದಲ್ಲಿ ಒಂದು ವೇಳೆ 72 ರನ್​ಗಳನ್ನ ಗಳಿಸುವಲ್ಲಿ ವಿಫಲರಾಗಿ ಕೊಹ್ಲಿ ಈ ಅವಕಾಶದಿಂದ ವಂಚಿತರಾದರೂ ಸಹ ಸಂಪೂರ್ಣ ಸರಣಿ ಮುಗಿಯುವಷ್ಟರಲ್ಲಂತೂ ಕೊಹ್ಲಿ 3000 ರನ್​​ ಕಲೆ ಹಾಕಲಿದ್ದಾರೆ ಅನ್ನೋದು ಕ್ರಿಕೆಟ್​ ತಜ್ಞರ ಮಾತಾಗಿದೆ.