2020ರಲ್ಲಿ ಜಗತ್ತಿನ ಅನೇಕ ಕಡೆಗಳಲ್ಲಿ ಲೋಹದ ಏಕಶಿಲಾಕೃತಿಗಳು ಇದ್ದಕ್ಕಿದ್ದಂತೆ ಕಾಣಿಸಿಕೊಂಡಿದ್ದು, ಇದ್ದಕ್ಕಿದ್ದಂತೆಯೇ ನಾಪತ್ತೆಯೂ ಆದ ಘಟನೆಗಳು ಅನೇಕ ಬಾರಿ ವರದಿಯಾಗಿವೆ.
ಡಿಸೆಂಬರ್‌ 2020ರಲ್ಲಿ ಭಾರತದಲ್ಲೂ ಸಹ ಈ ನಿಗೂಢ ವಸ್ತುಗಳು ಕಾಣಿಸಿಕೊಂಡಿದ್ದವು. ಅಹಮದಾಬಾದ್‌ನ ತಾಲ್ಟೇಜ್‌ನ ಸಿಂಫೋನಿ ವನೋದ್ಯಾನದಲ್ಲಿ ಕಾಣಿಸಿಕೊಂಡಿದ್ದ ಈ ಏಕಶಿಲಾಕೃತಿಯು ತ್ರಿಭುಜಾಕೃತಿಯಲ್ಲಿದ್ದು, ಹೊಳೆಯುವ ಲೋಹದ ಶೀಟ್‌ಗಳನ್ನು ಹೊಂದಿತ್ತು. ಅದರ ಮೇಲೆ ಅನೇಕ ಸಂಖ್ಯೆಗಳನ್ನು ಕೆತ್ತಲಾಗಿತ್ತು.
ಕಾಣಿಸಿಕೊಂಡ ಎರಡೇ ವಾರಗಳಲ್ಲಿ ಈ ಶಿಲಾಕೃತಿ ನಾಪತ್ತೆಯಾಗಿತ್ತು.
ಇದೀಗ ಮುಂಬಯಿಯ ಬಾಂದ್ರಾದ ಜಾಗರ್ಸ್ ಉದ್ಯಾನದಲ್ಲಿ ಇಂಥದ್ದೇ ಮತ್ತೊಂದು ಆಕೃತಿ ಕಾಣಿಸಿಕೊಂಡಿದೆ. ಬುಧವಾರದಂದು ಉದ್ಯಾನದ ನಡುವಿನಲ್ಲೇ ಈ ಕಲಾಕೃತಿ ಕಾಣಿಸಿಕೊಂಡಿದ್ದು, ಬಾಂದ್ರಾ ಕಾರ್ಪೋರೇಟರ್‌ ಆಸಿಫ್‌ ಝಕಾರಿಯಾ ಈ ಏಕಶಿಲಾಕೃತಿಯ ಚಿತ್ರವನ್ನು ಟ್ವಿಟರ್‌ನಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ. ಈ ಶಿಲಾಕೃತಿಯಲ್ಲೂ ಸಹ ಸಂಖ್ಯೆಗಳನ್ನು ಕೆತ್ತಲಾಗಿರುವುದನ್ನು ನೋಡಬಹುದಾಗಿದೆ.
Loading ...