ಪೆಟ್ರೋಲ್ – ಡೀಸೆಲ್ ದರ ಏರಿಕೆ ಕಾಣುತ್ತಲೇ ಇರೋದು ಶ್ರೀಸಾಮಾನ್ಯನ ನಿದ್ದೆಗೆಡಿಸಿದೆ. ಹೀಗಾಗಿ ಜನರು ಪೆಟ್ರೋಲ್ – ಡೀಸೆಲ್ ಬಳಕೆ ಕಡಿಮೆ ಮಾಡಲು ಪರ್ಯಾಯ ಮಾರ್ಗಗಳನ್ನ ಹುಡುಕುತ್ತಾ ಇದ್ದಾರೆ.
ಇದೇ ಸಮಯದಲ್ಲಿ ಮಾರುಕಟ್ಟೆಗೆ ಹೊಸ ಬೈಕ್ ಒಂದು ಕಾಲಿಟ್ಟಿದೆ. ಈ ಬೈಕ್ನಲ್ಲಿ ನೀವು ಕೇವಲ 7 ರೂಪಾಯಿ ಖರ್ಚು ಮಾಡಿ 100 ಕಿಲೋಮೀಟರ್ ಪ್ರಯಾಣ ಮಾಡಬಹುದಾಗಿದೆ.
ಆಟೋಮೊಬೈಲ್ ಪ್ರೈವೇಟ್ ಲಿಮಿಟೆಡ್ ಕಂಪನಿ ಆಟಮ್ 1.0 ಎಂಬ ಹೊಸ ಬೈಕ್ನ್ನ ಭಾರತೀಯ ಮಾರುಕಟ್ಟೆಗೆ ಪರಿಚಯಿಸಿದೆ. ಈ ಬೈಕ್ ಬಗ್ಗೆ ಅದ್ಭುತ ಭರವಸೆ ನೀಡಿರುವ ಕಂಪನಿ ಇದು ಕೇವಲ 7 ರೂಪಾಯಿ ವೆಚ್ಚದಲ್ಲಿ 100 ಕಿಲೋಮೀಟರ್ವರೆಗೆ ಸಂಚರಿಸಲಿದೆ ಎಂದು ಹೇಳಿದೆ.
ಹೈದರಾಬಾದ್ನ ಆಟೋಮೊಬೈಲ್ ಪ್ರೈವೇಟ್ ಲಿಮಿಟೆಡ್ ಕಂಪನಿ ಈ ಬೈಕ್ನ್ನು ತಯಾರಿಸಿದೆ.
ಇದೊಂದು ಎಲೆಕ್ಟ್ರಿಕ್ ಬೈಕ್ ಆಗಿದ್ದು, ಕೆಲವೇ ಗಂಟೆಗಳಲ್ಲಿ ಬ್ಯಾಟರಿ ಫುಲ್ ಚಾರ್ಜ್ ಆಗಲಿದೆ. ಒಂದು ಬಾರಿ ಬ್ಯಾಟರಿ ಸಂಪೂರ್ಣ ಚಾರ್ಜ್ ಆದ ಬಳಿಕ ನೀವು 100 ಕಿಮೀವರೆಗೆ ಪ್ರಯಾಣ ಮಾಡಬಹುದಾಗಿದೆ. ಬೈಕ್ನ ಬ್ಯಾಟರಿಗೆ ಕಂಪನಿಗೆ 24 ತಿಂಗಳ ವಾರಂಟಿ ನೀಡಿದೆ. ಈ ಬೈಕ್ಗೆ ಈಗಾಗಲೇ 400 ಕ್ಕೂ ಹೆಚ್ಚು ಮಂದಿ ಬುಕ್ಕಿಂಗ್ ಮಾಡಿದ್ದಾರೆ.
ಈ ಬೈಕ್ನ ಬೆಲೆ 50 ಸಾವಿರ ರೂಪಾಯಿ ಎಂದು ಕಂಪನಿ ಹೇಳಿದೆ. ಈ ಬೈಕ್ನ ಇನ್ನೊಂದು ವಿಶೇಷತೆ ಅಂದರೆ ಇದು ಸಂಪೂರ್ಣ ಭಾರತದಲ್ಲೇ ತಯಾರಾದ ವಾಹನವಾಗಿದೆ. ಈ ಬೈಕ್ನಲ್ಲಿ ಡಿಜಿಟಲ್ ಡಿಸ್ಪ್ಲೇ, ಎಲ್ಇಡಿ ಹೆಡ್ಲೈಟ್, ಟೇಲ್ ಲೈಟ್, ಇಂಡಿಕೇಟರ್ ಹಾಗೂ ಸೀಟ್ಗಳಿದೆ. ಇದೊಂದು ಸ್ಮಾರ್ಟ್ ಬೈಕ್ ಆಗಿದ್ದು ನಿಮ್ಮ ಮೊಬೈಲ್ ಜೊತೆ ಕನೆಕ್ಟ್ ಮಾಡಿಕೊಳ್ಳಬಹುದಾಗಿದೆ.
Loading ...