ಭಾರತ – ಇಂಗ್ಲೆಂಡ್ ಸರಣಿಯಲ್ಲಿ ಅಬ್ಬರದ ಪ್ರದರ್ಶನದ ಮೂಲಕ ರಿಷಬ್ ಪಂತ್ ಕ್ರಿಕೆಟ್ ಅಭಿಮಾನಿಗಳ ಮನೆ ಮಾತಾಗಿದ್ದಾರೆ. ಈ ನಡುವೆ ಟೀಂ ಇಂಡಿಯಾದ ಮಾಜಿ ಬೌಲರ್ ಆಶಿಶ್ ನೆಹ್ರಾ, ರಿಷಬ್ ಪಂತ್ ಗೆ ಆಟೋಗ್ರಾಫ್ ನೀಡುತ್ತಿರುವ ಹಳೆಯ ಫೋಟೋ ಒಂದು ವೈರಲ್ ಆಗಿದೆ.
ಟ್ವಿಟರ್, ಫೇಸ್ಬುಕ್ ಸಾಮಾಜಿಕ ಜಾಲತಾಣದ ವಿವಿಧ ವೇದಿಕೆಗಳಲ್ಲಿ ಈ ಫೋಟೋ ವೈರಲ್ ಆಗಿದೆ. ಅಲ್ಲದೇ ನೆಹ್ರಾ ನೀಡಿದ ಈ ಆಟೋಗ್ರಾಪ್ ಪಂತ್ ಹಾಗೂ ಕೊಹ್ಲಿಗೆ ಅದೃಷ್ಟ ತಂದಿದೆ ಎಂದು ನೆಟ್ಟಿಗರು ಮಾತನಾಡಿಕೊಳ್ತಿದ್ದಾರೆ.
ಈ ನಡುವೆ ಭಾರತದ ಪ್ರಖ್ಯಾತ ಕಮೆಂಟೇಟರ್ ಹಾಗೂ ಭಾರತದ ಬ್ಯಾಟ್ಸ್ಮನ್ ಆಕಾಶ್ ಚೋಪ್ರಾ ಈ ವೈರಲ್ ಫೋಟೋಗೆ ರಿಯಾಕ್ಟ್ ಮಾಡಿದ್ದಾರೆ. ರಿಷಬ್ ಪಂತ್ರಂತೆ ಕೊಹ್ಲಿ ಕೂಡ ನೆಹ್ರಾ ಬಳಿ ಆಟೋಗ್ರಾಫ್ ಪಡೆಯುತ್ತಿರುವ ಫೋಟೋವನ್ನ ನೋಡಿದ್ದಾರೆ. ಕೊಹ್ಲಿ ಹಾಗೂ ಪಂತ್ರ ಯಶಸ್ಸಿನ ರಹಸ್ಯ ಈಗ ತಿಳಿದಿದೆ ಎಂದು ಟ್ವೀಟಾಯಿಸಿದ್ದಾರೆ. ಇದಾದ ಬಳಿಕ ನೆಟ್ಟಿಗರೂ ಸಹ ನಮಗೂ ಆಟೋಗ್ರಾಫ್ ನೀಡಿ ಎಂದು ನೆಹ್ರಾ ಬಳಿ ಕೇಳುತ್ತಿದ್ದಾರೆ.
Loading ...