98ರ ಇಳಿವಯಸ್ಸಲ್ಲೂ ದುಡಿಮೆ ಮುಂದುವರಿಸಿರುವ ʼಶ್ರಮ ಜೀವಿʼ

98ರ ಇಳಿವಯಸ್ಸಿನಲ್ಲೂ ಬೇಳೆ – ಕಾಳುಗಳನ್ನ ಮಾರಾಟ ಮಾಡುವ ಮೂಲಕ ಆರ್ಥಿಕವಾಗಿ ಸ್ವತಂತ್ರರಾಗಿರುವ ವೃದ್ಧನಿಗೆ ಜಿಲ್ಲಾಡಳಿತ ಸನ್ಮಾನ ಮಾಡಿದ ಘಟನೆ ಉತ್ತರ ಪ್ರದೇಶದ ರಾಯ್​ಬರೇಲಿಯಲ್ಲಿ ನಡೆದಿದೆ.

98 ವರ್ಷದ ವೃದ್ಧ ವಿಜಯ್​ ಪಾಲ್​ ಸಿಂಗ್​ ಕಾಳು ಹಾಗೂ ಬೇಯಿಸಿದ ಬಟಾಣಿಗಳನ್ನ ಮಾರಾಟ ಮಾಡಿ ಜೀವನ ಸಾಗಿಸುತ್ತಿದ್ದಾರೆ.

ಜಿಲ್ಲಾಧಿಕಾರಿ ಕಚೇರಿಗೆ ವಿಜಯ್​ ಪಾಲ್​ ಸಿಂಗ್​​ರನ್ನ ಕರೆಸಿದ ಅಧಿಕಾರಿಗಳು 11 ಸಾವಿರ ರೂಪಾಯಿಗಳನ್ನ ಗೌರವ ಧನದ ರೂಪದಲ್ಲಿ ನೀಡಿದ್ದಾರೆ. ಇದರ ಜೊತೆಯಲ್ಲಿ ಊರುಗೋಲು, ಶಾಲು ಹಾಗೂ ಪ್ರಮಾಣ ಪತ್ರವನ್ನ ನೀಡಿ ಗೌರವಿಸಲಾಗಿದೆ.

98ರ ಇಳಿವಯಸ್ಸಿನಲ್ಲೂ ಆತ್ಮನಿರ್ಭರರಾಗಿರುವ ವಿಜಯ್​ ಪಾಲ್​ರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆದ ಬಳಿಕ ಈ ವಿಚಾರ ಜಿಲ್ಲಾಡಳಿತದ ಗಮನಕ್ಕೆ ಬಂದಿದೆ ಎನ್ನಲಾಗಿದೆ.