ಈ ಕಾರಣಕ್ಕೆ ಸ್ಥಗಿತವಾಯ್ತು ಅಮೀರ್ ಖಾನ್ ರ ಮಹತ್ವಾಕಾಂಕ್ಷೆಯ ‘ಮಹಾಭಾರತ’ ಚಿತ್ರ

ಬಾಲಿವುಡ್ ನ ಪರ್ಫೆಕ್ಷನಿಸ್ಟ್ ಎಂದೇ ಅಮೀರ್ ಖಾನ್ ಹೆಸರು ಪಡೆದಿದ್ದಾರೆ. ವರ್ಷಕ್ಕೆ ಇಲ್ಲ ಎರಡು ವರ್ಷಕ್ಕೊಂದು ಚಿತ್ರ ನೀಡುವ ಅಮೀರ್ ಸಿನಿಮಾ ಬಗ್ಗೆ ಸಾಕಷ್ಟು ರಿಸರ್ಚ್ ಮಾಡ್ತಾರೆ. ಸಿನಿಮಾದಲ್ಲಿ ಬರುವ ಸಣ್ಣ ಸಣ್ಣ ವಿಷ್ಯಗಳಿಗೂ ಮಹತ್ವ ನೀಡ್ತಾರೆ. ಕಳೆದ ಕೆಲ ದಿನಗಳಿಂದ ಅಮೀರ್ ಖಾನ್, ಮಹಾಭಾರತ ವಿಷ್ಯಕ್ಕೆ ಸುದ್ದಿಯಲ್ಲಿದ್ದಾರೆ.

ಅಮೀರ್ ಖಾನ್ ನೇತೃತ್ವದಲ್ಲಿ ಬರುವ ಮಹಾಭಾರತ ವೀಕ್ಷಣೆಗೆ ಅಭಿಮಾನಿಗಳು ಈಗ್ಲೇ ಕಾದು ಕುಳಿತಿದ್ದಾರೆ. ಆದ್ರೆ ಅಮೀರ್ ನಿರಾಸೆ ಮೂಡಿಸಿದಂತೆ ಕಾಣ್ತಿದೆ. ಅಮೀರ್ ಖಾನ್ ಎರಡು ವರ್ಷಗಳ ರಿಸರ್ಚ್ ನಂತ್ರ ಮಹಾಭಾರತ ಕೈ ಬಿಟ್ಟಿದ್ದಾರೆ ಎನ್ನಲಾಗ್ತಿದೆ.

ಮಹಾಭಾರತ ಪ್ರಾಜೆಕ್ಟ್ ಕೈ ಬಿಡಲು ಕೇವಲ ಆರ್ಥಿಕ ಪರಿಸ್ಥಿತಿ ಮಾತ್ರ ಕಾರಣವಲ್ಲ. ಇನ್ನೂ ಕೆಲ ಕಾರಣವಿದೆ ಎಂದು ಮೂಲಗಳು ಹೇಳಿವೆ. ಮುಂದಿನ ಎರಡು ವರ್ಷಗಳನ್ನು ವೆಬ್ ಸರಣಿಗೆ ಹಾಳು ಮಾಡಲು ಅಮೀರ್ ಗೆ ಇಷ್ಟವಿಲ್ಲ. ಒಂದು ಸುಂದರ ಚಿತ್ರವನ್ನು ಅಭಿಮಾನಿಗಳಿಗೆ ನೀಡುವ ಪ್ಲಾನ್ ನಲ್ಲಿ ಅಮೀರ್ ಇದ್ದಾರೆ. ಈ ಸಮಯದಲ್ಲಿ ಮಹಾಭಾರತ ಮಾಡುವುದು ಸೂಕ್ತವಲ್ಲ ಎಂಬುದು ಅಮೀರ್ ಅಭಿಪ್ರಾಯ. ಮಹಾಭಾರತವನ್ನು ಸಿನಿಮಾ ಮಾಡುವುದು ಕಷ್ಟ. ಇದೇ ಕಾರಣಕ್ಕೆ ವೆಬ್ ಸರಣಿ ಮಾಡಲು ಆಲೋಚನೆ ಮಾಡಿದ್ದರು.