ನೈಟ್​ ಶಿಫ್ಟ್ ಒತ್ತಡ ಹೋಗಲಾಡಿಸಲು ನೃತ್ಯ ಮಾಡಿದ ಮಹಿಳಾ ವೈದ್ಯರ ತಂಡ

ವೈದ್ಯ ಲೋಕದಲ್ಲಿ ಸೇವೆ ಸಲ್ಲಿಸೋದು ಅಂದರೆ ಸುಲಭದ ಮಾತಂತೂ ಅಲ್ಲ. ರೋಗಿಗಳ ಜೀವವನ್ನ ಕಾಪಾಡೋಕೆ ಹಗಲು ರಾತ್ರಿ ಶ್ರಮ ವಹಿಸ್ತಾರೆ. ಈ ಕಷ್ಟದ ನಡುವೆಯೂ ಮಂಗಳೂರಿನ ಮಹಿಳಾ ವೈದ್ಯರ ತಂಡವೊಂದು ನೈಟ್​ ಶಿಫ್ಟ್ ಮುಗಿಸಿಕೊಂಡು ಹಾಡೊಂದಕ್ಕೆ ಹೆಜ್ಜೆ ಹಾಕಿ ಸಂಭ್ರಮಿಸಿದ್ದು ಈ ವಿಡಿಯೋ ವೈರಲ್​ ಆಗಿದೆ.

ಈ ವಿಡಿಯೋವನ್ನ ಹಿರಿಯ ವೈದ್ಯೆ ಡಾ. ನೀಲಾಷ್ಮಾ ಸಿಂಘೆಲ್​ ಎಂಬವರು ಶೇರ್​ ಮಾಡಿದ್ದಾರೆ. ಎಲ್ಲಾ ವೈದ್ಯರು ಬಣ್ಣ ಬಣ್ಣದ ಸ್ಕ್ರಬ್ಸ್ ಧರಿಸಿ ಸ್ಟೆತೊಸ್ಕೋಪ್​ನ್ನು ಕುತ್ತಿಗೆಗೆ ಹಾಕಿಕೊಂಡು ವೃತ್ತಾಕಾರದಲ್ಲಿ ನಿಂತು ಸಖತ್​ ಡ್ಯಾನ್ಸ್ ಮಾಡಿದ್ದಾರೆ.

ಈ ನೃತ್ಯದ ಮುಂದಾಳತ್ವ ವಹಿಸಿರುವ ಡಾ. ಸಿಂಘೆಲ್​​ ನೇರಳೆ ನೇರಳೆ ಬಣ್ಣದ ಸ್ಕ್ರಬ್ಸ್ ಧರಿಸಿದ್ದಾರೆ. ಇವರು ಎಲ್ಲರಿಗಿಂತ ಹಿರಿಯ ವೈದ್ಯೆಯಾಗಿದ್ದರೆ ಇವರ ಜೊತೆ ಇನ್ನಿಬ್ಬರು ಕಿರಿಯ ವೈದ್ಯರು ಹಾಗೂ ಮೂವರು ವೈದ್ಯಕೀಯ ವಿದ್ಯಾರ್ಥಿಗಳು ಸೇರಿದ್ದಾರೆ. ಈ ವಿಡಿಯೋ ಶೇರ್​ ಮಾಡಿರುವ ಸಿಂಘೆಲ್​, ನನ್ನ ಪ್ರತಿಭಾನ್ವಿತ ವಿದ್ಯಾರ್ಥಿಗಳು ಹಾಗೂ ಮುದ್ದಾದ ಜ್ಯೂನಿಯರ್​ಗಳು ಎಂದು ಶೀರ್ಷಿಕೆ ನೀಡಿದ್ದಾರೆ.

https://www.instagram.com/p/CLGMJSFjceU/?utm_source=ig_web_copy_link