14 ವರ್ಷದ ಬಾಲಕನನ್ನ ಪೊಲೀಸ್ ಸ್ಟೇಷನ್ನಲ್ಲಿ ದತ್ತು ಪಡೆದ ಮಾನವೀಯ ಘಟನೆಯೊಂದು ಮೀರತ್ ಜಿಲ್ಲೆಯಲ್ಲಿ ವರದಿಯಾಗಿದೆ.
ಅನ್ಮೋಲ್ ಎಂಬ ಬಾಲಕ 2 ವರ್ಷಗಳ ಹಿಂದೆ ಅಪಘಾತದಲ್ಲಿ ತನ್ನ ತಂದೆಯನ್ನ ಕಳೆದುಕೊಂಡಿದ್ದ ಹಾಗೂ ಈತನ ತಾಯಿ ಮಾನಸಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ.
ಕಂಕೆರ್ಖೇರಾ ಠಾಣೆಯ ಎಸ್ಹೆಚ್ಓ ಸಾಗರ್, ಈ ಬಾಲಕನ ಕಣ್ಣೀರ ಕತೆಯನ್ನ ಕೇಳಿದ ಬಳಿಕ ಈ ನಿರ್ಧಾರ ಕೈಗೊಂಡಿದ್ದಾರೆ ಎನ್ನಲಾಗಿದೆ.
ಇದೀಗ ಇಡೀ ಪೊಲೀಸ್ ಠಾಣೆಯ ಸಿಬ್ಬಂದಿ ಈ ಬಾಲಕನ ಕಾಳಜಿ ಮಾಡುತ್ತಿದ್ದಾರೆ. ಈ ವಿಚಾರವಾಗಿ ಮಾತನಾಡಿದ ಎಸ್ಹೆಚ್ಓ ಸಾಗರ್, ಅನ್ಮೋಲ್ ತನ್ನ ಜೀವನದಲ್ಲಿ ಏನನ್ನಾದರೂ ಸಾಧನೆ ಮಾಡಬೇಕು ಎಂಬ ಛಲ ಹೊಂದಿದ್ದಾನೆ.
ಹೀಗಾಗಿ ನಾನು ಆತನನ್ನ ಶಾಲೆಗೆ ದಾಖಲು ಮಾಡಿಸಲು ಎಲ್ಲಾ ಪ್ರಯತ್ನವನ್ನ ಮಾಡುತ್ತಿದ್ದೇನೆ. ಈತ ತನ್ನ ಹೆಚ್ಚಿನ ಸಮಯವನ್ನ ನಮ್ಮೊಟ್ಟಿಗೇ ಕಳೆಯುತ್ತಾನೆ. ನಾವೆಲ್ಲರೂ ಆತನ ಕಾಳಜಿ ವಹಿಸುತ್ತಿದ್ದೇವೆ ಎಂದು ಹೇಳಿದ್ರು.
Loading ...