ಬದ್ರಿನಾಥ್ ದೇವಾಲಯ ಪುನಾರಂಭಕ್ಕೆ ಮುಹೂರ್ತ ನಿಗದಿ

ಈ ವರ್ಷ ಮೇ 18ರಂದು ಬದ್ರಿನಾಥ್​​​ ದೇವಾಲಯವು ಭಕ್ತರಿಗಾಗಿ ತೆರೆಯಲಿದೆ. ಉತ್ತರಾಖಂಡದ ಚಮೋಲಿ ಜಿಲ್ಲೆಯಲ್ಲಿರುವ ದೇವಾಲಯದ ದ್ವಾರಗಳು ಚಳಿಗಾಲದ ಆರಂಭದ ಅವಧಿಯಲ್ಲಿ ಮುಚ್ಚಲ್ಪಡುತ್ತದೆ. ಈ ಸಮಯದಲ್ಲಿ ಹಿಮಪಾತವಾಗೋದ್ರಿಂದ ಈ ರೀತಿ ದೇವಾಲಯಗಳನ್ನ ಬಂದ್​ ಮಾಡಲಾಗುತ್ತೆ. ಮೇ 18ರಂದು ಮುಂಜಾನೆ 4:15ರಿಂದ ದೇವಸ್ಥಾನ ಭಕ್ತರ ಪ್ರವೇಶಕ್ಕೆ ಮುಕ್ತವಾಗಲಿದೆ.

ಹಿಮಾಲಯದ ದೇವಾಲಯವನ್ನ ಇದೇ ಪವಿತ್ರ ಮುಹೂರ್ತದಲ್ಲಿ ತೆರೆಯುವ ನಿರ್ಧಾರವನ್ನ ನರೇಂದ್ರ ನಗರ ಪ್ಯಾಲೇಸ್​ನಲ್ಲಿ ವಸಂತ ಪಂಚಮಿ ದಿನದಂದು ನಡೆದ ಕಾರ್ಯಕ್ರಮದಲ್ಲಿ ನಿರ್ಧರಿಸಲಾಗಿದೆ.

ದೇಗುಲದ ದ್ವಾರವನ್ನ ತೆರೆಯೋದಕ್ಕೂ ಮುನ್ನ ಅರಮನೆಯಿಂದ ದೇವಾಲಯಕ್ಕೆ ಕಳುಹಿಸಿಕೊಡಲಾಗುವ ಗಡು ಘಟಾ ಏಪ್ರಿಲ್​​ 29ರಂದು ಬದ್ರಿನಾಥ್​ ಕಡೆ ಪ್ರಯಾಣ ಬೆಳೆಸಲಿದೆ.

ಕೊರೊನಾ ವೈರಸ್​ ಸಾಂಕ್ರಾಮಿಕ ಹರಡಿದ ಕಾರಣದಿಂದಾಗಿ ಬದ್ರಿನಾಥ್​ ಕಳೆದ ವರ್ಷ ತಡವಾಗಿ ಪ್ರಾರಂಭವಾಯಿತು. ಹಾಗೂ ಯಾತ್ರಾರ್ಥಿಗಳ ಸಂಖ್ಯೆಯೂ ಗಣನೀಯವಾಗಿ ಇಳಿಕೆ ಕಂಡಿದೆ.