ವಿಶ್ವದ ಟಾಪ್ ಶ್ರೀಮಂತ ಎಲಾನ್ ಮಸ್ಕ್ ಟ್ವಿಟರ್ನಲ್ಲಿ ಮಾಡೋ ಒಂದೊಂದು ಟ್ವೀಟ್ಗಳಿಗೂ ಷೇರು ಮಾರುಕಟ್ಟೆಯನ್ನೇ ಅಲುಗಾಡಿಸುವಂತಹ ಶಕ್ತಿ ಇದೆ. ಟ್ವಿಟರ್ನಲ್ಲಿ ಬಹಳ ಚಿಕ್ಕದಾಗಿ ಶೀರ್ಷಿಕೆಗಳನ್ನ ಬರೆಯುವ ಮಸ್ಕ್ರ ಟ್ವೀಟ್ಗಳಿಗೆ ವಿಶೇಷ ಅಭಿಮಾನಿಗಳ ಬಳಗವೇ ಇದೆ.
ಎಲಾನ್ ಮಸ್ಕ್ ಟ್ವಿಟರ್ನಲ್ಲಿ ಹಾಕುವ ಒಂದೇ ಒಂದು ವಾಕ್ಯ ಅಥವಾ ಒಂದೆರಡು ಶಬ್ದಗಳಿಗೇ ಇಡೀ ಇಂಟರ್ನೆಟ್ನ್ನೇ ಅಲುಗಾಡಿಸುವಂತಹ ಶಕ್ತಿ ಇದೆ. ಈ ಮಾತಿಗೆ ಸಿಗ್ನಲ್ ಮೆಸೆಜಿಂಗ್ ಅಪ್ಲಿಕೇಶನ್, ಎಟ್ಸಿ, ಹೀಗೆ ನಾನಾ ಕಂಪನಿಗಳ ಬೆಳವಣಿಗೆಗಳೇ ಸಾಕ್ಷಿ.
ಮಸ್ಕ್ ಕಳೆದ ವರ್ಷ ತಮ್ಮ ಮಗನ ಹೆಸರನ್ನ ಸೋಶಿಯಲ್ ಮೀಡಿಯಾದಲ್ಲಿ ರಿವೀಲ್ ಮಾಡಿದ್ದರು. ಮಸ್ಕ್ರ ಗೆಳತಿ ಕೆಲ ಸಮಯದ ಹಿಂದಷ್ಟೇ ತಮ್ಮ 9 ತಿಂಗಳ ಮಗು X Æ A-Xii ನ ಕೇಶ ವಿನ್ಯಾಸ ಫೋಟೋಗಳನ್ನ ಹಂಚಿಕೊಂಡಿದ್ದರು.
ಇದೀಗ ಸ್ವತಃ ಎಲಾನ್ ಮಸ್ಕ್ ಕೂಡ ತಮ್ಮ ಮಗನ ಜೊತೆಗಿರುವ ಫೋಟೋವನ್ನ ಟ್ವಿಟರ್ನಲ್ಲಿ ಶೇರ್ ಮಾಡಿ ತಮ್ಮ ಪಿತೃತ್ವವನ್ನ ಸಂಭ್ರಮಿಸಿದ್ದಾರೆ. ಎರಡನೇ ಕೊನೆಯ ಸಾಮ್ರಾಜ್ಯ ಎಂದು ಈ ಫೋಟೋಗೆ ಮಸ್ಕ್ ಶೀರ್ಷಿಕೆ ನೀಡಿದ್ದಾರೆ. ಫೋಟೋದಲ್ಲಿ ಮಸ್ಕ್ರ ಪುತ್ರ X Æ A-Xii ಅವರ ಟೀ ಶರ್ಟ್ನ್ನು ಎಳೆಯುತ್ತಿದ್ದರೆ ಮಸ್ಕ್ ಫೋನ್ ಕಾಲ್ನಲ್ಲಿ ನಿರತರಾಗಿದ್ದಾರೆ. ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಎಲಾನ್ ಮಸ್ಕ್ ಹಾಗೂ ಅವರ ಗೆಳತಿ ಮೇ 4ರಂದು X Æ A-Xii ಗೆ ಜನ್ಮ ನೀಡಿದ್ದರು. ಈ ಮಗುವಿಗೆ ಮಸ್ಕ್ X Æ A-Xii ಎಂದು ನಾಮಕರಣ ಮಾಡುತ್ತಿದ್ದಂತೆಯೇ ನೆಟ್ಟಿಗರು ಈ ಹೆಸರಿನ ಅರ್ಥವೇನು ಅಂತಾ ಡಿಕೋಡ್ ಮಾಡೋದ್ರಲ್ಲಿ ಬ್ಯುಸಿಯಾಗಿದ್ದರು. ಇದಾದ ಬಳಿಕ ಮಸ್ಕ್ ಗೆಳತಿ ಗ್ರಿಮ್ಸ್ X Æ A-Xii ಹೆಸರಿನ ಪ್ರತಿಯೊಂದು ಶಬ್ದದ ಅರ್ಥವನ್ನ ವಿವರಿಸಿದ್ದರು.
Loading ...