ಫೆಬ್ರವರಿ 16 ಹಾಗೂ 17ನೇ ತಾರೀಖಿನಂದು ಉತ್ತರಾಖಂಡ್ ಪುರಾಣ ಪ್ರಸಿದ್ಧ ತೆಹ್ರಿ ಸರೋವರ ಉತ್ಸವವನ್ನ ನಡೆಸಲು ಸಕಲ ಸಿದ್ಧತೆಯನ್ನ ಮಾಡಿಕೊಳ್ತಿದೆ. ಇದು ಏಷ್ಯಾದ ಅತಿದೊಡ್ಡ ಸರೋವರ ಉತ್ಸವವಾಗಿದ್ದು ಪ್ರವಾಸಿಗರನ್ನ ಬರ ಮಾಡಿಕೊಳ್ಳಲು ಉತ್ತರಾಖಂಡ್ ಪ್ರವಾಸಿ ಇಲಾಖೆ ಸಜ್ಜಾಗಿದೆ.
ಪ್ರತಿ ವರ್ಷ ಈ ಸಮಯಕ್ಕೆ ಸರಿಯಾಗಿ ಉತ್ತರಾಖಂಡ್ನಲ್ಲಿ ಸರೋವರ ಉತ್ಸವವನ್ನ ಆಚರಿಸಲಾಗುತ್ತೆ. ಈ ಉತ್ಸವದಲ್ಲಿ ಭಾಗಿಯಾಗಲು ಇಚ್ಚಿಸುವವರು ಮುಂಚಿತವಾಗಿ ಸೀಟನ್ನು ಕಾಯ್ದಿರಿಸಬೇಕಾಗುತ್ತೆ. ಈ ಸರೋವರವನ್ನ ಅಂತಾರಾಷ್ಟ್ರೀಯ ಪ್ರವಾಸಿ ತಾಣವನ್ನಾಗಿ ಅಭಿವೃದ್ಧಿಪಡಿಸುವತ್ತ ಉತ್ತರಾಖಂಡ್ ರಾಜ್ಯ ಸರ್ಕಾರ ಸಕಲ ಪ್ರಯತ್ನ ಮಾಡುತ್ತಿದೆ.
ವೈಮಾನಿಕ ಕ್ರೀಡೆ, ಬೆಂಕಿಯ ಸಾಹಸ ಸೇರಿದಂತೆ ವಿವಿಧ ಸಾಹಸ ಚಟುವಟಿಕೆಗಳು ಹಾಗೂ ಜಲ ಕ್ರೀಡೆ ತೆಹ್ರಿ ಸರೋವರ ಉತ್ಸವದ ಹೈಲೈಟ್ ಆಗಿದೆ. ಇದು ಮಾತ್ರವಲ್ಲದೇ ಸಂಗೀತ ಪ್ರದರ್ಶನ, ಸಾಂಸ್ಕೃತಿಕ ನೃತ್ಯ, ಯೋಗ ಪ್ರದರ್ಶನ, ಆಭರಣ ಪ್ರದರ್ಶನ ಹೀಗೆ ಸಾಕಷ್ಟು ಮಳಿಗೆಗಳು ನಿಮ್ಮನ್ನ ಕೈ ಬೀಸಿ ಕರೆಯಲಿವೆ.
ನೀವು ವಿಮಾನ ಮಾರ್ಗದಲ್ಲಿ ಈ ಸ್ಥಳಕ್ಕೆ ಬರಲಿಚ್ಚಿಸಿದ್ದಲ್ಲಿ ಡೆಹ್ರಾಡೂನ್ ಜಾಲಿ ಗ್ರಾಂಟ್ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆಗಬಹುದಾಗಿದೆ. ಇಲ್ಲಿಂದ ನೀವು ಟ್ಯಾಕ್ಸಿ ಮೂಲಕ ಉತ್ಸವದ ಸ್ಥಳವನ್ನ ತಲುಪಬಹುದಾಗಿದೆ.
ರೈಲು ಮಾರ್ಗದಲ್ಲಿ ಬರುವವರು, ಹೃಷಿಕೇಶ ರೈಲು ನಿಲ್ದಾಣದಲ್ಲಿ ಇಳಿದುಕೊಂಡು ಅಲ್ಲಿಂದ 73 ಕಿಲೋ ಮೀಟರ್ ದೂರದಲ್ಲಿರುವ ತೆಹ್ರಿಗೆ ಬಸ್ಸು ಇಲ್ಲವೇ ಟ್ಯಾಕ್ಸಿ ಮೂಲಕ ತೆರಳಬಹುದಾಗಿದೆ.
ಇನ್ನು ರಸ್ತೆ ಮಾರ್ಗ ನಿಮ್ಮ ಆಯ್ಕೆಯಾಗಿದ್ದಾರೆ ಮುಸ್ಸೂರಿ, ಹೃಷಿಕೇಶ, ಹರಿದ್ವಾರ, ಶ್ರೀನಗರ, ದೆಹಲಿ ಹೀಗೆ ಇನ್ನೂ ಹಲವು ನಗರಗಳಲ್ಲಿ ಇಳಿದುಕೊಂಡು ಅಲ್ಲಿಂದ ಬಸ್ಸಿನಲ್ಲಿ ಉತ್ಸವದ ಸ್ಥಳವನ್ನ ತಲುಪಬಹುದಾಗಿದೆ.
Loading ...